नवापूरनजीक अपघातात मालेगावचे दहाजण जखमी

लोकमत न्यूज नेटवर्कनंदुरबार : मालेगावकडून हजीराकडे जाणा:या चारचाकी वाहनाला नवापूरनजीक झालेल्या अपघातात 10 जण जखमी झाले. जखमी सर्व मालेगाव, जि.नाशिक येथील रहिवाशी आहेत. शनिवारी पहाटे चार वाजता हा अपघात झाला.मालेगाव येथील काही भाविक सुरतजवळील हाजीरा येथे जात होते. पहाटे चार वाजता घोडजामने नजीक त्यांच्या वाहनाला अपघात झाला. चालकाला डुलकी आल्याने त्याने वाहन थेट रस्त्याच्या खाली झाडाला ठोकले. त्यात सर्वच दहा जण जखमी झाले. त्यात मोहम्मद मोशीन मोहम्मद हसन (35), मो.परवेज (28), अनवरखान इस्माईल खान (40) , मो.काशीम इब्राहिम शेख (28), मिङरा अली अजगर मिङरा मासुम बेग (65), उमेद मो. हारून शेख (24), शेख तारीक शेख युनूस (38), मो.रफिक मोहम्मद यासीम (40) सर्व रा.मालेगाव असे जमखींची नावे आहेत. 108 रुग्ण वाहिकेतील डॉ.राहुल सोनवणे, पालयट राजलस गावीत यांनी लागलीच जखमी ंना उपजिल्हा रुग्णालयात दाखल केले. तेथे डॉ.भानुदास गावीत, डॉ.राहुल सोनवणे, परिचारीका रुपाली चौरे यांनी उपचार केले.