लहान शहादा येथे हाणामारी, बंदोबस्त तैणात

लोकमत न्यूज नेटवर्कनंदुरबार : किरकोळ कारणावरून लहान शहादा येथे जमावाच्या मारहाणीत एकजण जखमी झाला. दोन गट आमनेसामने आल्याने गावात तणावपुर्ण शांतता आहे. पोलीस बंदोबस्त तैणात करण्यात आला आहे.लहान शहादा येथील प्रकाश काळू भिल या युवकास एका गटाच्या लोकांनी बेदम मारहाण केली. ही बाब गावात दुसऱ्या प्रकाश भिल याच्या नातेवाईकांना समजल्यावर एकच धावपळ उडाली.बेदम मारहाण करण्यात आलेल्या युवकास प्राथमिक आरोग्य केंद्र व तेथून जिल्हा रुग्णालयात दाखल करण्यात आले. त्याच्या फिर्यादीवरून शांतिलाल कोळी, दिनेश कोळी, गणेश कोळी, योगेश कोळी यांच्याविरुद्ध तालुका पोलीस ठाण्यात गुन्हा दाखल करण्यात आला आहे.गावात या घटनेमुळे खळबळ उडाली आहे. वाद पुन्हा उफाळून येण्याची शक्यता लक्षात घेता मोठ्या प्रमाणावर पोलीस बंदोबस्त लावण्यात आला आहे. संचारबंदी आदेश लागू असल्यामुळे जमाव जमवून संचारबंदीचे उल्लंघन होणार नाही याची खबरदारी घेण्याचे आवाहन पोलिसांनी केले आहे.