गोदीपूरच्या ओम नवनाथ पंथ भजनी मंडळातर्फे समाज प्रबोधन

गोदीपूर येथील महिला व पुरुषांचा सहभाग असलेल्या ओम नवनाथ पंथ भजनी मंडळात महिला व पुरुष मिळून १३ सदस्य आहेत. या भजनी मंडळातर्फे नियमित भजन-कीर्तनाचे कार्यक्रम होतात. मंडळातील सदस्य गीते सादर करून जनजागृती करतात. परिसरात भजनाच्या माध्यमातून बेटी बचाओ, व्यसनमुक्ती, स्वच्छता, पर्यावरणाचे रक्षण आदींबाबत समाज प्रबोधन केले जात आहे. परिसरासह अनेक गावांमध्ये या मंडळाकडून भजनाचे कार्यक्रम झाले आहेत. कोणाच्या सुख-दुःखाच्या प्रसंगी धार्मिक कार्यक्रम, सण उत्सवात हे भजनी मंडळ सहभागी होतात. या भजनी मंडळाला शासनाकडून भजनी मंडळाचे इतर साहित्य आदी उपलब्ध व्हावे, अशी अपेक्षा व्यक्त करण्यात येत आहे. या भजनी मंडळात मका ठाकरे, फतू वाघ, बशीर मोरे, दयाराम ठाकरे, जंगा ठाकरे, गमऱ्या मुसळदे, विलास अहिरे, बापू ठाकरे, प्रकाश वाघ, कमलीबाई ठाकरे, ब्राह्मणपुरीचे उज्जैन माळी, कलाबाई माळी, पारुबाई मोरे यांचा समावेश आहे.