शहादा नगरपालिकेतर्फे विकास कामांचे भूमिपूजन

शहादा : नगरपालिकेतर्फे शहरातील प्रभाग क्रमांक सहा मध्ये सुमारे सव्वाकोटी रुपये खर्चाच्या विकास कामांचे भूमिपूजन करण्यात आले.शहरातील प्रभाग क्रमांक सहामधील रस्ते व मोकळ्या जागांचे सुशोभिकरणाच्या विविध कामांचे भूमिपूजन नगराध्यक्ष मोतीलाल पाटील, सातपुडा साखर कारखान्याचे चेअरमन दीपक पाटील, उपनगराध्यक्षा रेखाबाई चौधरी, जि.प. सदस्य अभिजित पाटील यांच्या हस्ते करण्यात आले. भूमिपूजन झालेल्या कामांमध्ये रस्त्याचे काम, कल्पनानगरमधील मोकळ्या जागेस संरक्षक भिंत, कालानी फरशीर्पयत रस्ता, स्वामी समर्थ मंदिर ते स्टेट         बँक चौकार्पयत गटार, वृंदावननगरमधील मोकळ्या जागेस वॉलकंपाऊंडश पेवर ब्लॉक बसविणे आदी कामांचा समावेश असून या कामांसाठी सुमारे सव्वाकोटी रुपये खर्च येणार आहे. या वेळी नगरसेवक संदीप  पाटिल, अनिता  पाटील, बांधकाम अभियंता मनोज चौधरी, संदीप टेंभेकर, डॉ.अजहर पठाण,  माजी नगराध्यक्ष अशोक बागूल, सुनीता बागूल, जितेंद्र पाटील,     प्रा.दत्ता वाघ, घनश्यामदास  धनकाणी, राजेंद्र पाटील, स्वप्निल खेडकर, संजय कुलकर्णी, उदय निकुंभ, यांच्यासह परिसरातील नागरीक, नगरसेवक व पालिकेचे अधिकारी उपस्थित होते.