प्रकाशा नजीक कंटेनरच्या धडकेत युवक ठार

लोकमत ऑनलाईननंदुरबार, दि़ 16 : प्रकाशा-नंदुरबार रस्त्यावरील केदारेश्र्वर मंदिराच्या वळणावर समोरुन भरधाव येणा:या कंटेनरनच्या धडकेत कवळीथ ता़ शहादा येथील प्रितेश राजेंद्र पाटील (27) हा युवक जागीच ठार झाल्याची घटना बुधवारी सकाळी पावणे सात वाजेच्या सुमारास घडली़ या वेळी अपघात घडताच क्षणी कंटेनसह चालकाने तेथून पळ काढला़ घटनेच्या निषेधार्थ जमावाने सुमारे दोन तास प्रकाशा-तापी पुलावर रास्ता रोको आंदोलन केल़ेया बाबत मिळालेल्या माहितीनुसार कवळीथ ता़ शहादा येथील प्रितेश राजेंद्र पाटील हा युवक  नंदुरबार येथील सुजलॉन येथे अभियंता म्हणून नोकरीस होता़ सकाळची शिफ्ट असल्याने तो आपल्या दुचाकीने (क्र एमएच 39 टी 8350) प्रकाशा येथून नंदुरबारच्या दिशेने येण्यास निघाला़ या वेळी केदारेश्र्वर मंदिराच्या वळणावर समोरुन येणा:या कंटेनरला (एचआर 44) वळण घेता न आल्याने त्याचा वाहनावरील ताबा सुटून त्याने थेट दुचाकीस्वार युवकाला धडक दिली़ यात युवक साधारणत 20 फुटार्पयत कंटेनच्या चाकात अडकून फरफटत गेला़ त्यामुळे गंभीर मार लागल्याने त्याचा जागीच मृत्यू झाला घटनेचे वृत्त समजताच जमावाने पोलीस ठाण्यात घटनेची माहिती दिली़ गंभीर घटना घडल्यानंतरसुध्दा पोलीस कर्मचा:यांनी कंटेनर चालकाला पकडण्यास ढिसाळपणा दाखविल्यामुळे जमावाकडून प्रकाशा-तापी पुलावर सुमारे दोन तास रास्ता रोको केला़ यावेळी रस्त्याच्या दोन्ही बाजूला वाहनांची मोठी गर्दी जमली होती़ पोलिसांकडून जमावाला शांत करण्याचा प्रयत्न सुरु होता़ शहादा पोलीस ठाण्यात अज्ञाताविरुध्द गुन्हा दाखल करण्यात आला आह़े