कडवा धरणालगत तरुण-तरुणीचा मृतदेह

नाशिक : इगतपुरी तालुक्यातील कडवा धरणाजवळील एका इमारतीत दोन अल्पवयीन तरुण-तरुणीचा मृतदेह आढळून आल्याने खळबळ उडाली आहे़ धर्मा बबन मधे (१७, रा़ गिरेवाडी, ता़ इगतपुरी) व शोभा संतू पथवे (१७, रा़ धारनोली, ता़ इगतपुरी) अशी या दोघांची नावे आहेत़ या प्रकरणी वाडीवºहे पोलीस ठाण्यात अकस्मात मृत्यूची नोंद करण्यात आली आहे़ वाडीवºहे पोलिसांनी दिलेल्या माहितीनुसार घोटी-सिन्नर महामार्गाच्या पूर्वेकडे कडवा धरण असून, या परिसरात असलेल्या पाटबंधारे विभागाच्या एका खोलीतून दुर्गंधी येत असल्याची माहिती निरीक्षक अच्युत जाधव यांनी दिली़ त्यानुसार पोलीस घटनास्थळी पोहोचले असता तरुण-तरुणीचा कुजलेल्या अवस्थेतील मृतदेह आढळून आला़ पोलिसांनी या दोघांची ओळख पटविली असता ते धर्मा मधे व शोभा पथवे यांचे असल्याचे समोर आले़ या दोघांनी आत्महत्या केली की त्यांचा घातपात करण्यात आला याचा तपास वाडीवºहे पोलीस करीत आहेत़