पोलिसांच्या माहितीनुसार, सोमवारी पहाटे तीन वाजेच्या सुमारास गोविंदनगर कडून सिटी सेंटर मॉलकडे भरधाव वेगाने येणारी कार (एमएच १४-बीके ६५७०) वरील चालकाचे नियंत्रण सुटल्याने कार रस्त्याच्या कडेला असलेल्या झाडाला धडकली. अपघातात कारचा चक्काचूर झाला. कारमध्येच अनंत अशोक शिरसाठ (२८, आनंदनगर, नाशिक रोड) हा अडकला होता. तर चालक अश्विन निलेश शेळके (२४, रा. लवटेनगर, जयभवानी रोड), आकाश अशोक सरोदे (वय २५), अक्षय कांबळे(२४,रा. जयभवानी रोड) हे तिघे गंभीर जखमी झाले. घटनेचे वृत्त कळताच मुंबई नाका पोलिसांनी घटनास्थळी धाव घेतली. रुग्णवाहिका व अग्निशमन दलाच्या मदतीने पोलिसांनी अनंत शिरसाठला कार बाहेर काढले. पोलिसांनी तिघांनाही उपचारार्थ जिल्हा शासकीय रुग्णालयात दाखल केले. दरम्यान, अनंत शिरसाठला डॉक्टरांनी तपासणी करत मृत घोषित केले. मयत अनंत शिरसाठ हा मुंबई येथील छत्रपती शिवाजी महाराज आंतरराष्ट्रीय विमानतळावर कामाला होता. तेथून तो नाशिकला घरी परत येण्यासाठी निघाला हाेता. अनंतच्या पश्चात वडील, दोन काका, चुलत भाऊ असा परिवार आहे. भास्करराव शिरसाठ यांचा तो पुतण्या होता.
(फोटो १३ शिरसाठ)