शहरं
Join us  
Trending Stories
1
"बंकरमध्येच थांबा..."; पहलगाम हल्ल्यानंतर पाकिस्तानात भीतीचं वातावरण, सीमेवरही सैनिक वाढवले
2
"अष्टभुजा शक्तीने राक्षसांचा सर्वनाश व्हायला हवा...!"; पहलगाम दहशतवादी हल्ल्यावर नेमकं काय म्हणाले मोहन भागवत?
3
गुप्तचर यंत्रणेतील त्रुटी; पहलगाम दहशतवादी हल्ल्याबाबत सरकारने मान्य केली चूक, म्हणाले...
4
"पहलगाम दहशतवादी हल्यामागे पाक असेल तर..."; पाकिस्तानच्या उलट्या बोंबा, मंत्री इशाक डार म्हणाले...
5
"आक्रमण...!" पहलगाम दहशतवादी हल्ल्यानंतर भारतीय हवाई दलाच्या लढाऊ विमानांनी आकाश दणाणलं, काय घडणार?
6
सर्वपक्षीय बैठक संपली, बाहेर येताच राहुल गांधीची पहिली प्रतिक्रिया; म्हणाले, “सरकारने आता...”
7
"...तर अर्जुन तेंडुलकर क्रिकेटमधला पुढचा ख्रिस गेल बनेल"; युवराज सिंगच्या वडिलांची मोठी भविष्यवाणी
8
"इन आतंकी कुत्तों को..."; पत्रकार परिषदेदरम्यान ओवेसींना अमित शाह यांचा फोन! काय झालं बोलणं?
9
पहलगाम दहशतवादी हल्ल्यानंतर दोन दिवसांत महाराष्ट्रातील ५०० पर्यटक राज्यात परतले!
10
VIDEO: ना हात मिळवले, ना गेट उघडले; पहलगाम हल्ल्यानंतर अटारी-वाघा बॉर्डरवर बदलली रिट्रीट सेरेमनी
11
"लोकांच्या टॅक्समधून विमानसेवा; तुम्ही घरून पैसे भरले नाहीत"; नरेश म्हस्केंवर रोहिणी खडसेंची टीका
12
श्रीनगर येथे DCM एकनाथ शिंदे सक्रीय, १८४ जणांना सुखरूप पाठवले; जखमींची केली विचारपूस
13
आता ना LOC, ना...! काय आहे शिमला करार, जो रद्द करण्याची धमकी देतोय पाकिस्तान? भारताच्या पथ्थ्यावर?
14
मस्तच! कडू लागणाऱ्या 'डार्क चॉकलेट'चे गोड आरोग्यदायी फायदे; वजन कमी करायचं असेल तर...
15
पहलगाम हल्ला: दिल्लीत सर्वपक्षीय बैठक, ठाकरे गटाचे नेते गैरहजर; पत्र पाठवले अन् म्हणाले...
16
"Today I Say to the Whole World..."; बिहारच्या भाषणात PM मोदी इंग्रजी का बोलले? यामागे आहे खास कारण
17
“अचानक गोळीबार झाला, २ लहान मुले सोबत होती अन्....”; देवदूत ठरला गाइड, ११ जणांचे जीव वाचवले
18
चुकून सीमा ओलांडून पाकिस्तानात पोहोचला बीएसएफ जवान; पाकिस्तानी रेंजर्सनी घेतले ताब्यात
19
“आता कलमा वाचायला शिकतोय, कधी कामी येईल माहिती नाही”: भाजपा खासदार निशिकांत दुबे
20
"अख्खं हॉटेल रिकामं, सकाळी ६ वाजता रुमचं दार वाजलं अन्...", कल्याणमधील जोडप्याचा जम्मू-काश्मीरमधील भयावह अनुभव

नाेकरभरतीप्रकरणी दोन बड्या अधिकाऱ्यांसह तिघांवर गुन्हा दाखल

By लोकमत न्यूज नेटवर्क | Updated: December 11, 2021 01:43 IST

राज्यभर गाजलेल्या आदिवासी विकास महामंडळ आणि शबरी वित्त महामंडळातील ५८४ पदांसाठीच्या नोकरभरती घोटाळ्याप्रकरणी जवळपास पाच वर्षांनंतर महामंडळाचे तत्कालीन महाव्यवस्थापक नरेंद्र मांदळे, चौकशी अधिकारी तथा तत्कालीन अपर आयुक्त अशोक लोखंडे आणि कुणाल आयटीचे संचालक संतोष कोल्हे यांच्याविरुद्ध मुंबई नाका पोलीस ठाण्यात गुन्हे दाखल झाले असून, या घटनेने आदिवासी विकास विभागातील कर्मचाऱ्यांमध्ये खळबळ उडाली आहे.

ठळक मुद्देआदिवासी विकास महामंडळ : व्यवस्थापकीय संचालकांच्या आदेशानुसार झाली कार्यवाही

नाशिक : राज्यभर गाजलेल्या आदिवासी विकास महामंडळ आणि शबरी वित्त महामंडळातील ५८४ पदांसाठीच्या नोकरभरती घोटाळ्याप्रकरणी जवळपास पाच वर्षांनंतर महामंडळाचे तत्कालीन महाव्यवस्थापक नरेंद्र मांदळे, चौकशी अधिकारी तथा तत्कालीन अपर आयुक्त अशोक लोखंडे आणि कुणाल आयटीचे संचालक संतोष कोल्हे यांच्याविरुद्ध मुंबई नाका पोलीस ठाण्यात गुन्हे दाखल झाले असून, या घटनेने आदिवासी विकास विभागातील कर्मचाऱ्यांमध्ये खळबळ उडाली आहे.

दरम्यान, महामंडळाचे तत्कालीन कार्यकारी संचालक आणि या भरतीप्रक्रियेत संशय असलेल्या एका राजकीय पक्षाच्या पदाधिकाऱ्यावर गुन्हा दाखल न झाल्याने या कारवाईतही संशय व्यक्त होत आहे.

आदिवासी विभागांतर्गत येणाऱ्या राज्य सहकारी आदिवासी विकास महामंडळ व शबरी महामंडळासाठी सन २०१६ मध्ये ५८४ पदांची भरतीप्रक्रिया राबविण्यात आली होती. मात्र सुरुवातीपासूनच ही प्रक्रिया वादात सापडली होती. विभागाने शासनमान्य तांत्रिक संस्था सोडून खासगी संस्थेकडून पहिल्या टप्प्यात ३८९ पदांसाठी भरतीप्रक्रिया राबविली. त्यासाठी तब्बल ३६ हजार उमेदवारांनी अर्ज केले असले, तरी विभागातील जाधव, मांदळे आणि कुणाल आयटी कंपनीचे संचालक संतोष कोल्हे यांनी संगनमत आणि आर्थिक गैरव्यवहार करत सोयीच्या उमेदवारांची भरती केली अशी फिर्याद महामंडळाचे कार्यकारी संचालक दीपक शिंगला यांच्या आदेशान्वये महाव्यवस्थापक जालिंदर आभाळे यांनी मुंबई नाका पोलिसांत दिली असून, त्यानुसार या प्रकरणातील तीनही संशयितांवर गुन्हे दाखल करण्यात आला आहे.

त्यावेळी राज्यात भाजपचे सरकार होते. दिंडोरीचे तत्कालीन भाजपचे खासदार हरिश्चचंद्र चव्हाण यांनी या प्रकरणात सुमारे साडेतीनशे कोटींचा घोटाळा झाल्याची तक्रार तत्कालीन मुख्यमंत्री देवेंद्र फडणवीस यांच्याकडे केली होती. फडणवीस यांनी तत्कालीन विभागीय आयुक्त एकनाथ डवले यांना याप्रकरणी चौकशीचे आदेश दिले होते. डौले यांनी या प्रकरणाची चौकशी करून नोकरभरतीप्रक्रियेत अनियमितता आणि त्याचबरोबर आर्थिक गैरव्यवहार झाल्याचा अहवाल शासनाला दिला होता. त्यानंतर मांदळे यांच्यासह दोन अधिकाऱ्यांना निलंबित करण्यात आले होते. मात्र संबंधित अधिकाऱ्यांविरुद्ध गुन्हे दाखल करण्यास आदिवासी विभागाने टाळाटाळ केली जात असल्याची चर्चा होत होती. दरम्यानच्या काळात सत्तेवर आलेल्या महाविकास आघाडी सरकारमधील आदिवासी विकासमंत्री के. सी. पाडवी यांनी वादात सापडलेली नोकरभरतीप्रक्रिया रद्द केली होती. काही महिन्यांपूर्वीच आदिवासी विकास महामंडळाच्या व्यवस्थापकीय संचालक पदाचा पदभार स्वीकारलेल्या दीपक शिंगला यांनी या प्रकरणाची माहिती घेऊन गुन्हे दाखल करण्याच्या सूचना दिल्या होत्या त्यांच्या आदेशानुसार महाव्यवस्थापक जालिंदर आभाळ यांनी मुंबई नाका पोलीस ठाण्यात फिर्याद दाखल केली आहे.

कोट-

आदिवासी विकास महामंडळ आणि शबरी वित्त महामंडळाचा पदभार स्वीकारल्यानंतर या प्रकरणाची सखोल माहिती घेतल्यानंतर माझे काम मी पूर्ण केले आहे. याप्रकरणी पोलीस तपासात अजूनही कुणी दोषी आढळतील त्या सर्वांवर गुन्हे दाखल करण्यात येतील. या प्रकरणातील बाजीराव जाधव यांच्यावरील कारवाई संदर्भात मंत्रालयाला प्रस्ताव पाठविण्यात आला आहे. मात्र त्याला अद्याप मंजुरी मिळालेली नाही ही परवानगी मिळतात त्यांच्याविरुद्धही गुन्हा दाखल करण्यात येईल.

- दीपक शंगला, व्यवस्थापकीय संचालक, आदिवासी विकास महामंडळ

कोट-

याप्रकरणी २०१६ मध्येच मी तक्रार केली होती. अगदी सुरुवातीपासून त्याचा पाठपुरावाही केला आहे. कुणावर वैयक्तिक आकसापोटी नव्हे, तर १०० टक्के गैरव्यवहार झालेला आहे. तत्कालीन विभागीय आयुक्त एकनाथ डवले यांनी चौकशी केल्यानंतर या प्रकरणात तथ्य असल्याचा अहवाल दिला होता. संबंधितांवर गुन्हे दाखल होणे गरजेचे होते. मध्यंतरी प्रकरण न्यायालयात गेल्याने गुन्हे दाखल होण्यास थोडा उशीर झाला आहे. मात्र अद्याप तत्कालीन व्यवस्थापकीय संचालकांवर गुन्हा दाखल झालेला नाही त्यांच्यावरही गुन्हा दाखल करण्यात यावा त्याचबरोबर या प्रकरणातील सर्वांच्या मालमत्तेची चौकशी करण्यात यावी, अशी माझी मागणी आहे.

- हरिश्चंद्र चव्हाण, माजी खासदार, दिंडोरी

टॅग्स :nashik police commissioner officeनाशिक पोलीस आयुक्तालयCrime Newsगुन्हेगारी