नैताळेत बालिकेवर अत्याचार

लासलगाव : नैताळे येथील मतोबा यात्रेच्या इलेक्ट्रीकल्स कामाकरीता आलेल्या परीवारातील पाळण्याजवळ खेळणाऱ्या चार वर्षीय मुलीचे अपहरण करून तिच्यावर अत्याचार करण्यात आला आहे.

ठळक मुद्दे यात्रेतील मजुरावर आपत्ती: कोळवाडी येथील संशयितास अटक

यात्रेच्या निमित्त पंधरा दिवस कामाचा ठेका घेऊन येथे कु टूंबासहवास्तव्यास राहणारी बालिका यात बळी पडली आहे. इलेक्ट्रीकल्स काम करणारे गृहस्थ आपल्या पत्नी व दोन लहान मुलींसह येथे कामाकरीता आले असुन ते राहुटी करू रहातात. यातील पिडीत अल्पवयीन मुलीचे वडील काल मंगळवारी रात्री नऊ वाजता जेवणाला राहुटीत आले. पिडित चार वर्षीय बालिका तिच्या बहीणीसह यात्रेतील पाळण्या जवळ खेळत होत्या. त्यावेळी एका अज्ञात बाबाने बहीणीचे अपहरण केल्याची माहिती दुसºया मुलीने तिच्या पालकांना सांगितली. लागलीच पिडित मुलीचे वडील व पाळण्याचे मालक दादा वसंत मोरे यासह पळवुन नेलेल्या बालिकेचा शोध घेण्यास प्रारंभ केला. नैताळे ते विंचुर रस्त्यावर बांबुंच्या दुकानांजवळ आले असता त्यांना एका इसमाजवळ पिडीत मुलगी आढळली. फिकट गुलाबी रंगाचा शर्ट आणि पॅँट घातलेल्या इसमाकडे ही मुलगी दिसली. तिला ताब्यात घेत तपासणी केली असता तिच्यावर अत्याचार झाल्याचे समजले. तातडीने या मुलीच्या पालकांनी त्या इसमाला पकडून पोलिसांच्या ताब्यात दिले. याप्रसंगी निफाड पोलिस कार्यालयात पोलिस निरीक्षक आर.बी.सानप यांनी निफाड तालुक्यातील कोळवाडी येथील सुदाम भिका सोनवणे यास गुन्हा दाखल करून अटक केली. भारतीय दंड विधान कलम ३६३ , ३७६(२)(१)तसेच बालकांचे लैंगिक अपराधापासुन संरक्षण कायद्यान्वये ुगुन्हा दाखल केला आहे. अधिक तपास निफाडचे पोलिस उपअधिक्षक माधव रेड्डीं यांच्या मार्गदर्शनाखाली निफाडचे पोलिस निरीक्षक आर.बी.सानप करीत आहेत.