सिडको : खासगी शैक्षणिकसंस्थेत नोकरीस असलेले सिडकोतील सिंहस्थनगर भागातील रहिवासी योगेश विठ्ठल फड (२९) यांनी रविवारी (दि. ३१) दुपारी साडेबारा च्या सुमारास सिलिंग फॅनला दोरी बांधून गळफास घेत आत्महत्या केली आहे. या प्रकरणी अंबड पोलिसांत अकस्मात मृत्यूची नोंद करण्यात आली आहे. या घटनेने परिसरात हळहळ व्यक्त करण्यात येत आहे.योगेशने आत्महत्या केलेल्या ठिकाणी पोलिसांना चिठ्ठी मिळाली असून, त्यात मी आत्महत्या करत आहे, कोणालाही दोषी ठरवू नये, असा मजकूर लिहिला असल्याची माहिती पोलिसांनी दिली. आत्महत्येमागील कारण स्पष्ट होऊ शकलेले नाही. मयत योगेश याच्यावर मोरवाडी स्मशानभूमी येथे अंत्यसंस्कार करण्यात आले. मयत योगेश हा एकुलता एक होता. त्याच्या पश्चात आई, वडील, पत्नी, बहीण असा परिवार आहे.योगेश फड हे नाशिकरोड भागातील एका शैक्षणिक संस्थेत शिक्षक म्हणून नोकरीस होते. पुढील तपास पोलीस हवालदार समाधान खांडेकर करीत आहे.
सिडकोत शिक्षकाची गळफास घेऊन आत्महत्या
By लोकमत न्यूज नेटवर्क | Published: April 01, 2019 1:34 AM