नाशिक : गंगापूर धरणावरील विविध कामांसाठी वीजपुरवठा बंद करण्यात येणार असल्याने येत्या मंगळवारी (दि. २४) संपूर्ण शहरात दुपारी आणि सायंकाळचा, तर बुधवारी (दि.२५) सकाळी १० वाजेपर्यंत पाणीपुरवठा होणार नसल्याचे मनपाने कळविले आहे. गंगापूर धरणातील पंपिंगस्टेशन येथे नवीन एनर्जी मीटर बसविणे, सबस्टेशनविषयक कामे करणे, तसेच शहरातील पाणीपुरवठा वितरण वाहिन्यांच्या दुरुस्त्या करणे, गळती बंद करणे आदि विविध कामे करण्यासाठी महावितरणचा वीजपुरवठा खंडित करावा लागणार आहे. त्यामुळे मंगळवार, दि. २४ रोजी संपूर्ण शहराचा दुपारचा व सायंकाळचा पाणीपुरवठा होणार नाही. दि. २५ रोजी सकाळी १० वाजेपर्यंत, तर दुपारी व सायंकाळचा पाणीपुरवठा कमी दाबाने कमी प्रमाणात होणार आहे. (प्रतिनिधी)
शहरात मंगळवारी पाणीपुरवठा बंद
By admin | Published: November 21, 2015 11:38 PM