‘त्या’ अपघातातील भावानंतर बहिणीचाही मृत्यू

वडनेर रस्त्यावरून पाथर्डी फाट्याकडे बहिणीसोबत दुचाकीने जात असताना समोरून भरधाव जाणाºया ट्रकने दिलेल्या धडकेत सागर बंडू कासार (शेवगेदारणा, देवळाली कॅम्प) या युवकाचा मृत्यू झाल्याची घटना गुरुवारी (दि़१४) दुपारी घडली होती़, तर अपघातात गंभीर जखमी झालेली त्याची बहीण योगीता शिंदे हिचा उपचारादरम्यान रविवारी (दि़१७) मृत्यू झाला़

इंदिरानगर : वडनेर रस्त्यावरून पाथर्डी फाट्याकडे बहिणीसोबत दुचाकीने जात असताना समोरून भरधाव जाणाºया ट्रकने दिलेल्या धडकेत सागर बंडू कासार (शेवगेदारणा, देवळाली कॅम्प) या युवकाचा मृत्यू झाल्याची घटना गुरुवारी (दि़१४) दुपारी घडली होती़, तर अपघातात गंभीर जखमी झालेली त्याची बहीण योगीता शिंदे हिचा उपचारादरम्यान रविवारी (दि़१७) मृत्यू झाला़ या घटनेमुळे परिसरात शोककळा पसरली आहे़ शेवगेदारणा येथील सागर हा त्याची बहीण योगीता हिला सातपूर गावात सासरी सोडण्यासाठी दुचाकीवरून (एमएच १५ एफएल ८५२०) जात होता. पाथर्डी फाट्याजवळ समोरून भरधाव येणाºया ट्रकचालकाने (एमएच १२ एएफ ८४९६) सागरच्या दुचाकीला जबर धडक दिली. यामध्ये दोघेही बहीण-भाऊ रस्त्यावर फेकले गेल्याने सागरच्या डोक्यास गंभीर मार लागल्याने त्याचा जागीच मृत्यू झाला, तर बहीण योगीता ही गंभीर जखमी झाल्याने तिच्यावर रूग्णालयात उपचार सुरू होते़ दरम्यान, जखमी योगीता हिच्यावर उपचार सुरू असतानाच तिचा रविवारी तिचाही दुर्दैवी मृत्यू झाला़ भावाच्या पाठोपाठ जखमी बहिणीचाही मृत्यू झाल्याने परिसरात हळहळ व्यक्त केली जाते आहे़ कासार-शिंदे कुटूंबियांवर मोठा आघात झाला असून आठवड्याभरात कुटूंबातील बहिण-भावांचा अशा प्रकारे मृत्यू झाल्याने दोन्ही कुटूंबांवर दु:ख कोसळले आहे.