अज्ञात वाहनाच्या धडकेने हरीण ठार

चांदवड : तालुक्यातील वडाळीभोई शिवारात आग्रारोडवर अज्ञात वाहनाच्या धडकेने हरीण ठार झाले. वडाळीभोई येथील यश पेट्रोलपंपाच्या बाजूस रस्त्याने जाणाऱ्या भरधाव वाहनाने रस्ता ओलांडणाऱ्या हरिणास धडक दिली. या धडकेने हरीण गंभीर जखमी झाले व अतिरक्तस्रावाने त्याचा जागीच मृत्यू झाला. या घटनेबाबत वडाळीभोई पोलीस ठाणे व वनरक्षक दलास माहिती देण्यात आली. वनविभागाच्या कर्मचाऱ्यांनी घटनास्थळी जाऊन मृत हरिणास ताब्यात घेतले.