ठळक मुद्देपरिसरात भक्तीमय वातावरण निर्माण झाले आहे. थंडीच्या कडाक्यातही विठ्ठल नामाचा गजर करीत लहान, थोर महिला वयोवृद्ध दिंड्या मध्ये सामील झाले आहे.आज दहा ते पंधरा दिंड्यांचा मुक्काम नांदूरवैद्य येथे झाला.
सालाबादप्रमाणे यावर्षीही संत निवृत्तीनाथ महाराज यांचा रथ सुवाच्छ हाराफुलांनी सजवण्यात आला होता.या रथामध्ये पांडुरंग तसेच संत ज्ञानेश्वर महाराज व संत निवृत्तीनाथ महाराज यांच्या ठेवलेल्या प्रतिमांचे पूजन करण्यात आले.यानंतर पायी दिंडीचे गावातुन फेरी काढत टाळमृदंगाच्या गजरात ञ्यंबकेश्वरकडे प्रस्थान करण्यात आले.यावर्षी देखील नांदूरवैद्य परिसरात अनेक दिंड्या दाखल झाल्या आहेत. त्यामुळे यानंतर महाप्रसाद झाल्यानंतर हरिपाठ, भजन, कीर्तनाने रात्रभर जागर करीत भाविकांची जणू मांदियाळी जमली होती.पहाटे काकड आरती नंतर त्र्यंबकेश्वर कडे पालख्यांचे प्रस्थान झाले.या पायी हिंदीमध्ये नामदेव डोळस, अतुल तांबे, सखाहारी काजळे, सोपान मुसळे, संतोष डोळस, माजी सैनिक तुकाराम काजळे, प्रभाकर मुसळे आदींसह असंख्य ग्रामस्थ वारकरी सहभागी झाले होते.--