बाजार समिती बाहेरच्या मुख्य वाहतूक रस्त्यावर सकाळ, सायंकाळ बाजार भरत असल्याने नागरिकांना वाहने नेणे सोडाच, परंतु पायी चालत जाणे अवघड होत आहे.
शेतकरी, भाजीपाला विक्रेत्यांनी बेशिस्तपणाचा कळस गाठला असला तरी याकडे मात्र प्रशासनाचे पूर्णपणे दुर्लक्ष झाल्याने आगामी काळात पंचवटी कोरोना हॉटस्पॉट बनण्याची शक्यता वर्तविली जात आहे. दिंडोरीरोड पेठरोडला दोन दिवसांपासून किरकोळ भाजीविक्रेत्यांसह शेतकरी चारचाकीतून शेतमाल विक्री करतात. रस्त्यावर गर्दीमुळे वाहतूक कोंडी होते कोरोना नियम पाळले जात नसल्याने फिजिकल डिस्टन्सिंगचा फज्जा उडाल्याचे बघायला मिळते. अनेक विक्रेते नागरिक विनामास्क आढळून येतात दोन दिवसांपासून ग्राहक भाजीपाला विक्रेत्यांच्या गर्दीमुळे बाजार समिती बाहेर रस्त्याला प्रति कृषी उत्पन्न बाजार समितीचे स्वरूप प्राप्त झाले आहे.
इन्फो बॉक्स
प्रशासनाकडून कारवाईची प्रतीक्षा
दिंडोरीरोडला व पेठरोडला कृषी उत्पन्न बाजार समिती बाहेर आरटीओ कार्यालय मुख्य रस्त्यावर सकाळ, सायंकाळी शेकडो भाजीपाला विक्रेते रस्त्यालगत भाजीपाला वाहने उभी करून भाजीपाला विक्री करतात. नागरिकांची गर्दी होत असल्याने फिजिकल डिस्टन्सिंग फज्जा उडतो. रस्त्यावर भाजीविक्रेते कोरोना नियमाचे उल्लंघन करत असल्याने कारवाई अपेक्षित असताना महापालिका प्रशासनाकडून कारवाई होत नसल्याचा आरोप नागरिक करत आहे.