गोदावरी पात्रात मृतदेह आढळल्याने खळबळ

शहरात एकामागून एक खुनांची मालिका सुरू असताना केटीएचएम महाविद्यालयाच्या मागील बाजूस असलेल्या गोदावरी नदीपात्रात अनोळखी व्यक्तीचा मृतदेह आढळल्याने एकच खळबळ उडाली.

नाशिक : शहरात एकामागून एक खुनांची मालिका सुरू असताना केटीएचएम महाविद्यालयाच्या मागील बाजूस असलेल्या गोदावरी नदीपात्रात अनोळखी व्यक्तीचा मृतदेह आढळल्याने एकच खळबळ उडाली. नदीपात्रात मृतदेह आढळलेल्या व्यक्तीने आत्महत्या केली की त्याचा खून करून मृतदेह नदीत फेकण्यात आला याविषयी शाशंकता व्यक्त करण्यात येत आहे. दरम्यान, मयत व्यक्तीच्या अंगावर काळ्या रंगाची पॅँट होती, परंतु शर्ट नसल्याने संबंधित इसम हा नदीपात्रात मासेमारी करणारा व्यक्ती असल्याची शक्यता पोलिसांनी व्यक्त केली असून नशेच्या अवस्थेत नदीत गेल्याने त्याचा पाण्यात बुडून मृत्यू झाल्याचा प्राथमिक अंदाज पोलिसांनी व्यक्त केला आहे.