विद्यार्थी जातपडताळणीला मुदतवाढ

विद्यार्थी जातपडताळणीला मुदतवाढ

नाशिक : बारावी विज्ञान शाखेत शिक्षण घेणाऱ्या नाशिक तसेच अहमदनगर जिल्ह्यातील विद्यार्थ्यांना जातप्रमाणपत्र पडताळणीसाठी एक महिन्याची मुदतवाढ देण्यात आली असल्याची माहिती विभागीय जातप्रमाणपत्र पडताळणी समितीच्या वतीने देण्यात आली़ शैक्षणिक वर्ष २०१४ - १५ साठी बारावी विज्ञान शाखेत शिक्षण घेणाऱ्या नाशिक व अहमदनगर जिल्ह्यातील विद्यार्थ्यांना महाविद्यालयांमार्फत जातपडताळणीसाठी समितीकडे आॅनलाइन अर्ज सादर करण्यासाठी ३० आॅक्टोबरपर्यंत मुदत देण्यात आली होती़ परंतु अनेक विद्यार्थ्यांचे अर्ज बाकी असल्याने व त्यांचे शैक्षणिक नुकसान होऊ नये यासाठी ३० नोव्हेंबरपर्यंत मुदतवाढ देण्यात आली आहे़ जातप्रमाणपत्र पडताळणी समित्यांचे मुख्य समन्वयक असलेल्या डॉ़ बाबासाहेब आंबेडकर संशोधन व प्रशिक्षण संस्था (बार्टी) यांच्या निर्देशानुसार चालू शैक्षणिक वर्षापासून आॅनलाइन अर्ज भरण्याची सुविधा उपलब्ध करून देण्यात आली आहे़ विद्यार्थ्यांनी ६६६:ुं१३्र. ेंँं१ं२ँ३१ं.ॅङ्म५.्रल्ल या संकेतस्थळावर अर्ज सादर करण्याचे आवाहन विभागीय जातपडताळणी समितीने केले आहे़