टँकर-इंडिका कार अपघातात चौघे जखमी

बोरगाव - सापुतारा मार्गावर दुर्घटना

सुरगाणा : तालुक्यातील बोरगाव - सापुतारा राज्यमार्गावर दुधाचा टँकर व इंडिका कार यांच्यात समोरासमोर झालेल्या धडकेत कारमधील चौघे जण जखमी झाले.ठाणापाड्याजवळ बोरगावकडे जाणारी टाटा इंडिका कार (क्र . जीजे १५ सीए ३९६७) आणि सापुताऱ्याकडे जाणारा दूध टँकर (क्र . जीजे १२ बीटी ५१५५) यांच्यात समोरासमोर टक्कर झाली. यावेळी कारमधील फेमीनभाई पटेल (२२), हितेश प्रवीण पटेल (३२), निळूज खंडू पटेल (३५) व आर्य भरत पटेल, सर्व रा.बारडोली (गुजरात) चौघे जखमी झाले. याप्रसंगी बोरगाव येथील राष्ट्रवादी श्रमिक संघटनेचे ग्रामीण जिल्हाध्यक्ष एकनाथ गांगुर्डे व रवि जाधव यांनी आपल्या वाहनातून सर्व जखमींना वेळीच सापुतारा प्राथमिक आरोग्य केंद्रात उपचारासाठी दाखल केले. यावेळी फेमीनभाई पटेल यांच्या डोक्यातून व कानातून रक्तस्राव होत असल्याने त्यांना प्राथमिक उपचारानंतर तातडीने सुरत येथील जिल्हा रुग्णालयात पाठविण्यात आले. अपघात घडताच टँकरचालक फरार झाला. सुरगाणा पोलिसांनी अपघाताची नोंद केली असून, पुढील तपास सुरू आहे. (वार्ताहर)