जुगार अड्ड्यावर छापा; पाच जणांना अटक

जुगार अड्ड्यावर छापा; पाच जणांना अटक

 मालेगाव : नवीन बसस्थानकाजवळील मच्छी बाजारालगत सार्वजनिक शौचालयच्या भिंतीलगत अंक आकड्यावर पैसे लावून मिलन-कल्याण नावाचा मटका जुगार खेळणाऱ्या व खेळविणाऱ्या पाच जणांना शहर पोलिसांनी अटक केली. त्यांच्या ताब्यातील जुगाराचे साहित्य व २ हजार २८० रुपयांची रोकड असा मुद्देमाल जप्त करण्यात आला. बुधवारी सायंकाळी ५ वाजेच्या सुमारास ही कारवाई करण्यात आली. पवारवाडी पोलीस ठाण्याचे पोलीस कर्मचारी गणेश न्हावकर यांनी फिर्याद दिली. जावेद अहमद रियाजउद्दीन हसन, रा.हसनपुरा हा नूर मोहंमद शब्बीर अहमद (३८) रा. इदगाह झोपडपट्टी व अब्बास शाह बादल शाह (४२) रा. कमालपुरा याच्यासह अंक आकड्यावर पैसे लावून नसिम अहमद फैजल रहेमान (५७) रा. रहेमताबाद गल्ली नं. २ आणि राजू बांगडू ऊर्फ शाहीद अहमद, रा. कमालपुरा यांच्या सोबत मिलन-कल्याण नावाचा मटका जुगार खेळताना व खेळविताना मिळून आला. अधिक तपास हवालदार पवार करीत आहेत.(प्रतिनिधी)