इंदिरानगरला साध्या पद्धतीने गणेश स्थापना

कोरोना व्हायरसचा प्रादुर्भाव होऊ नये म्हणून मिरवणूक न काढता साध्या पद्धतीने श्रीगणेश उत्सव साजरा करण्याची नियमावली आखण्यात आली असल्याने मिरवणूक न काढता मंडळांमध्ये आणि घराघरात श्रींचे आगमन झाले. सकाळपासूनच घराघरात आणि मंडळांमध्ये श्रींच्या आगमनाची लगबग सुरू होती. भाजपप्रणीत युनिक ग्रुपच्या वतीने राजीव नगर येथील शतायुषी भवनच्या प्रांगणात साध्या पद्धतीने श्रीगणरायाची प्रतिष्ठापना नगरसेवक सतीश सोनवणे व अनिता सोनवणे यांच्या हस्ते करण्यात आली. यावेळी अनिकेत सोनवणे, अनिल जाचक, किशोर शिरसाठ, नवनाथ चव्हाण, शिवाजी लोखंडे, रोहित परब, ऋषिकेश शिरसाठ उपस्थित होते. ‘श्री’ प्रतिष्ठानच्या वतीने श्रीगणेशाची प्रतिष्ठापना नगरसेवक ॲड. श्याम बडोदे यांच्या हस्ते करण्यात आली. यावेळी उदय बडोदे, परेश पाटील, भरत शिरसाठसह सदस्य उपस्थित होते. इंदिरानगर उत्सव समिती, गर्जना युवा प्रतिष्ठान, शंभो नारायण ग्रुपसह परिसरातील मंडळांनी ‘श्रीं’ची प्रतिष्ठापना केली आहे.