नाशिक : शहरातील विविध भागांत रिक्षांमध्ये बसलेल्या प्रवाशांच्या बॅगमधील दागिने व रोख रक्कम चोरी करणाऱ्या परप्रांतीय टोळीचा गुन्हे शाखा युनिट एकने माग काढला असून या टोळीतील तिघांना युनिट एकच्या पथकाने बेड्या ठोकल्या आहेत.
सरकारवाडा पोलिस ठाण्यात दाखल चोरीच्या गुन्ह्याचा तपास करत असताना गुन्हे शाखा युनिट एकचे पोलिस नाईक प्रशांत मरकड यांना मिळालेल्या गोपनीय माहितीच्या आधारे पोलिसांनी विजय ममता थिएटरजवळ कारवाई करत संशयित साजिद वाजिद अली (३९ रा. गावअब्दुल्लापूर कुरेशी, बिजनोर उत्तर प्रदेश), मुस्तकीन बुंदू (३९ रा. गौसपूर,बिजनोर, उत्तरप्रदेश) सोनू मोहम्मद आबिद मोहम्मद हुसेन शेख (२८, रा. सबदलपूर, बिजनोर उत्तर प्रदेश) यांना ताब्यात घेऊन त्यांनी त्यांच्याकडून सोने व रोख रक्कम असा चोरीचा ३ लाख ४१ हजार रुपयांचा मुद्देमाल हस्तगत करण्यात आला आहे.
वरिष्ठ पोलिस निरीक्षक विजय ढमाळ यांच्या मार्गदर्शनानुसार, पोलिस अंमलदार रवींद्र बागुल, संदीप भांड, प्रवीण वाघमारे, नझीम पठाण, विशाल देवरे, विशाल काठे, मुख्तार शेख, आप्पा पानवळ यांच्या पथकाने विजय ममता थिएटरजवळील लोंढेज गेस्टे हाऊस येथे कारवाई करून तिन्ही संशयितांच्या मुसक्या आवळल्या.आहेत.