खेळाडू मंजूषा पगारला ६१ हजारांचा प्रेरणानिधी

महाराजा सयाजीराव गायकवाड महाविद्यालय, माजी विद्यार्थी संघटना व पालक-शिक्षक संघातर्फे शुक्रवारी झालेल्या प्रेरणानिधी सुपूर्द सोहळ्यात प्राचार्य शिरुडे बोलत होते. मंजूषाला माजी विद्यार्थी संघटनेतर्फे ५१ हजार रुपये, तर महाविद्यालयातील प्राध्यापक व शिक्षकांतर्फे दहा हजार रुपये असा एकूण ६१ हजार रुपये प्रेरणानिधी देण्यात आला. उद्योजक विजय पोफळे अध्यक्षस्थानी होते. प्रमुख पाहुणे म्हणून माजी विद्यार्थी संघटनेचे अध्यक्ष अतुल वाघ, केबीएचचे प्राचार्य अनिल पवार, बॅडमिंटनपटू राजेश दुसाने, विनोद चव्हाण, उदय कुलकर्णी, भास्कर तिवारी, नितीन बोरसे, शेखर भामरे, काबरा विद्यालयाचे प्राचार्य नितीन हिरे, राहुल घरटे आदी उपस्थित होते. महाविद्यालयातर्फे राबविण्यात आलेल्या विविध उपक्रमांची माहिती समितीप्रमुख जे. टी. जाधव यांनी दिली. यावेळी प्रा. विनोद गोरवाडकर, प्रा. बाळासाहेब पाटील, अतुल वाघ, सागर रौंदळ, नितीन जगताप, जयराम माळी आदी उपस्थित होते. सूत्रसंचालन मराठी विभागप्रमुख प्रा. ए.जी. नेरकर केले. आभार प्रा. टेके यांनी मानले.