संविधानाची प्रत जाळणाऱ्यांना अटक करावी

दिल्लीतील जंतरमंतर येथे भारतीय संविधानाची प्रत जाळणाºयांना त्वरित अटक करावी, अशी मागणी रिपब्लिकन पार्टी आॅफ इंडिया गवई गटाच्या वतीने देण्यात आलेल्या निवेदनात केली आहे.

नाशिकरोड : दिल्लीतील जंतरमंतर येथे भारतीय संविधानाची प्रत जाळणाºयांना त्वरित अटक करावी, अशी मागणी रिपब्लिकन पार्टी आॅफ इंडिया गवई गटाच्या वतीने देण्यात आलेल्या निवेदनात केली आहे. विभागीय उपायुक्त रघुनाथ गावंडे यांना रिपाइं गवई गटाच्या वतीने देण्यात आलेल्या निवेदनात म्हटले आहे की, दिल्लीतील जंतरमंतर येथे संविधान जाळणाºया समाजकंटकांवर देशद्रोह व अ‍ॅट्रॉसिटीनुसार गुन्हा दाखल करावा. तसेच या घटनेची कसून चौकशी करण्यात यावी अशी मागणी निवेदनात करण्यात आली आहे. निवेदनावर रिपाइं गवई गटाचे जिल्हाध्यक्ष भारत पुजारी, राजाभाऊ गांगुर्डे, चंदुशेठ खोब्रागडे, प्रकाश वाजपेयी आदींच्या सह्या आहेत.  रिपब्लिकन पार्टी आॅफ इंडिया आठवले गटाच्या वतीने उपनगरचे वरिष्ठ पोलीस निरीक्षक प्रभाकर रायते यांना देण्यात आलेल्या निवेदनात म्हटले आहे की, संविधान जाळणाºया देशद्रोह्यांना अटक करून कारवाई करावी. निवेदनावर सागर शिरसाठ, आकाश साळवे, विजय गांगुर्डे, विक्रम दुसाने, सौरभ आहिरे आदींसह पदाधिकारी व कार्यकर्त्यांच्या सह्या आहेत.