दुरुस्ती बहाण्याने दागिने लंपास

नाशिक : कपाटाच्या दुरुस्तीच्या बहाण्याने आलेल्या चोरट्याने घरातील सोन्या-चांदीचे दागिने चोरून नेल्याची घटना सातपूरच्या महादेववाडीत शुक्रवारी (दि़ ११) सकाळच्या सुमारास घडली़महालक्ष्मी चौकातील किशोर बिसुडे यांनी दिलेल्या फिर्यादीनुसार सकाळी साडेदहा वाजेच्या सुमारास घरातील कपाट दुरुस्तीसाठी एक इसम आला़ त्याने कपाट दुरुस्तीच्या बहाण्याने कपाटातील ५० हजार २०० रुपयांचे सोन्या-चांदीचे दागिने चोरून नेले़ या प्रकरणी चोरीचा गुन्हा दाखल करण्यात आला आहे़