चांदवड - चांदवड नजिक मुंबई आग्रारोडवर मंगरुळ टोल नाक्याजवळ नाशिक कडून मालेगाव कडे जाणाऱ्या डपंरने काळी पिवळी जीपला धडक दिल्याने काही जण किरकोळ जखमी झाले तर जीपचे नुकसान झाले याबाबत डपर चालक खबर न देताच घटनास्थळी डपंर सोडूून पळून गेला. याबाबत शांताराम कारभारी बेडसे रा. टेहरे ता. मालेगाव काळी पिवळी चालक यांनी चांदवड पोलीस स्टेशनला फिर्याद दिली की, गुुरुवार दिनांक १८ जुलै रोजी दुपारी डपर क्रमांक एम.एच.१५/सी.के. ४००१ यांचेवरील चालकांने नाशिककडून मालेगावकडे जात असतांना भरधाव वेगाने रस्त्याचे परिस्थितीकडे दुर्लक्ष करुन हयगयीने अविचाराने चालवुन अचानक उजव्यां बाजुला वळवुन पुढे जाणारी काळी पिवळी जीप क्रमांक एम.एच.१५ /ई १५७३ हीस क्लिनर साईडने धडक दिल्याने अपघात केला यात शांताराम बेडसे व जीपमधील काही प्रवासी किरकोळ जखमी झाले तर डपंर चालक अपघाताची खबर न देताच पळून गेला याबाबत चांदवड पोलीसांनी गुन्हा दाखल केला असून अधिक तपास हवालदार बापू चव्हाण हे करीत आहेत.
मंगरुळ टोलनाक्याजवळ अपघातात प्रवासी जखमी
By लोकमत न्यूज नेटवर्क | Published: July 19, 2019 5:41 PM