इंदिरानगर : प्रभाग क्र मांक ३१ मधील वासननगर येथील पोलीस वसाहतीसमोरील जलकुंभातून बुधवारी दुपारी लाखो लिटर पाणी वाया गेल्याने नागरिकांनी तीव्र नाराजी व्यक्त केली.तीन महिन्यांपूर्वी याच जलकुंभातून ओव्हरफ्लो झाल्याने लाखो लिटर पाणी वाया गेल्याची घटना घडली होती. नासर्डी ते पाथर्डी यादरम्यान काही भागात अद्यापही अत्यंत कमी दाबाने पाणीपुरवठा होत असल्याची नागरिकांची तक्र ार आहे. असे असतानादेखील बुधवारी दुपारी एक ते तीन वाजेच्या दरम्यान सुमारे तीन तास सदर जलकुंभातून लाखो लिटर पाणी वाया गेले. त्यामुळे जलकुंभाच्या परिसरात पाण्याचे तळे व चिखल निर्माण झाला होता.सदर जलकुंभातून वारंवार लाखो लिटर पाणी वाया जात असताना संबंधित अधिकारी व कर्मचारी काय करतात, असा प्रश्न नागरिकांनी केला आहे.
जलकुंभातून लाखो लिटर पाणी वाया
By लोकमत न्यूज नेटवर्क | Published: August 28, 2019 12:30 AM