सुदर्शन सारडा
ओझर: राज्याच्या राजकारणात भूकंप झाल्यानंतर महाराष्ट्राचा कॅलिफोर्निया म्हणून ओळख असलेल्या निफाडचे आमदार दिलीप बनकर हे तातडीने राज भवनकडे रवाना झाले आहे. रविवार असल्याने ते त्यांच्या पिंपळगाव येथे होते. त्यांना मुंबईहून फोन आल्यावर ते आहे त्या स्थितीत मुंबईकडे रवाना झाले आहे.
शनिवारी रात्री पक्षाच्या वरिष्ठ नेत्याने जिल्ह्यातील राष्ट्रवादीच्या आमदारांना राजभवनावर उपस्थित राहण्याचे फर्मान सोडले होते परंतु रविवारी सकाळी साडेदहा वाजता निफाड तालुका राष्ट्रवादी काँग्रेस पक्षाची बैठक ही बनकर यांच्या संस्थेत असल्याने ते एक वाजता रवाना झाले यात सर्वात मोठे ट्विस्ट म्हणजे सिन्नरचे आमदार माणिकराव कोकाटे कळवण सुरगाणाचे नितीन पवार आणि निफाड चे दिलीप बनकर हे एकाच गाडीतून मुंबईकडे रवाना झाल्याने हा मोठा राजकीय भूकंप मानला जात आहे. लोकमत ने त्यांना संपर्क केला तेव्हा ते इगतपुरीच्या पुढे मुंबईकडे सुसाट वेगाने निघाले होते. बनकर यांना बोलते केले असता त्यांनी पक्षाचा आदेश आल्याने मुंबईला चाललोय रस्त्यात राजकीय भूकंप कळाला अखेर पक्षाचा निर्णय हा अंतिम मानून पक्ष जो निर्णय घेईल तो आम्हा सर्वांना मान्य राहील असे सुद्धा केल्याने जिल्ह्याचे राजकारण ढवळून निघाले आहे.
दिलीप बनकर हे एकनिष्ठ अजित पवार
2019 साली पहाटेच्या शपथविधी वेळी दिलीप बनकर हे अग्रभागी होते.बनकर,कोकाटे अन् पवार हे तिघेही कट्टर अजितदादा समर्थक म्हणून ओळखले जातात परंतु यावेळी बनकर यांनी पक्षाच्या निर्णय मानून सरकार मध्ये सामील होणार असल्याचे स्पष्ट झाले आहे.