नाशिक : दुचाकीवरून पाठलाग करून एक्सलो पॉर्इंटजवळ तरुणीचा तर श्रमिकनगरमध्ये मद्याच्या नशेत घरात घुसून महिलेच्या विनयभंग करण्यात आल्याच्या दोन वेगवेगळ्या घटना शहरात घडल्या आहेत़
सव्वीस वर्षीय तरुणीचा दुचाकीवरून पाठलाग करून परप्रांतिय इसमाने विनयभंग केल्याची घटना अंबड येथील एक्स्लो पॉईंटजवळ शुक्रवारी (दि. ३१) रात्रीच्या सुमारास घडली़ पोलिसांनी दिलेल्या माहितीनुसार रात्री नऊ वाजेच्या सुमारास तरुणी पायी जात असताना संशयित सुशील भगवतीप्रसाद यादव (रा. जयकृष्ण रो-हाऊस, पाथर्डी फाटा) याने दुचाकीवरून (एमएच १५ एवाय १८८५) पाठलाग केला. यानंतर या तरुणीच्या घराजवळ जात तिचा विनयभंग केल्याने तिने आरडोओरड करताच यादवने पळ काढला़ हा प्रकार लक्षात येताच तरुणीच्या भावाने त्यास पकडले असता शिवीगाळ करून धक्काबुक्की केली़ या प्रकरणी अंबड पोलीस ठाण्यात विनयभंगाचा गुन्हा दाखल करण्यात आला आहे़
सातपूर श्रमिकनगरमधील एकाने मद्याच्या नशेत महिलेचा हात पकडून विनयभंग केल्याची घटना गुरुवारी (दि़ ३०) रात्रीच्या सुमारास घडली़ पोलिसांनी दिलेल्या माहितीनुसार संशयित दिलीप दिलीप सखाराम देवकर (रा. श्रमिकनगर, सातपूर) हा मद्याच्या नशेत रात्री साडेदहा वाजेच्या सुमारास मकहिलेच्या घराजवळ गेला़ यानंतर दरवाजा वाजविल्याने कोण आले यासाठी महिलेने दरवाजा उघडला असता देवकर याने महिलेचा विनयभंग केला़ या प्रकरणी सातपूर पोलीस ठाण्यात गुन्हा दाखल करण्यात आला आहे.