आंबेवणी सोसायटीच्या चेअरमनपदी मोतीराम वडजे

बिनविरोधव्हाइस चेअरमनपदी अनिल मातेरे

दिंडोरी : तालुक्यातील आंबेवणी गावातील विविध कार्यकारी सेवा सहकारी संस्थेच्या चेअरमनपदी मोतीराम वडजे, तर व्हाइस चेअरमनपदी अनिल मातेरे यांची बिनविरोध निवड करण्यात आली.करंजी देवस्थान, आंबेवणी येथील शिवदासगिरी, शिवदयालगिरी ब्रह्मचारी महाराज यांच्या मार्गदर्शनाने नवनियुक्त संचालक मंडळाची पहिलीच बैठक सोसायटी कार्यालयात झाली. संचालक मंडळाने चर्चा विनिमय करून संस्थेच्या हिताच्या दृष्टीने निवड बिनविरोध करण्याचा निर्णय घेतला. सर्वानुमते नवनियुक्त चेअरमन व व्हाइस चेअरमन यांचे अभिनंदन केले. संस्थेच्या हिताच्या दृष्टीने पारदर्शक कारभार करून संस्थेच्या विकासात भरीव योगदान देऊ असे आपल्या मनोगतातून सांगितले. याप्रसंगी नवनिर्वाचित संचालक उत्तमराव वडजे, भालचंद्र वडजे, संजय वडजे, नामदेव किटे, तुकाराम सवंद्रे, भाऊसाहेब सवंद्रे, अशोक मातेरे, शिवाजी आवारे, प्रवीण गांगुर्डे, कौशाबाई भावले, सुमन वडजे उपस्थित होते. उमाजी वडजे, पोलीस पाटील दिलीप सवंद्रे, अशोक वडजे, राजेश वडजे, शंकर पालखेडे, रामदास मातेरे, मोहन वडजे, संजय वडजे, दिलीप वडजे, राजेश भावले, सुरेश भारमल, रामराव आवारे, रमेश मातेरे, दामू कडाळे, कैलास वडजे, केशव मातेरे आदिंनी बिनविरोध निवडीसाठी प्रयत्न केले.निवडणूक निर्णय अधिकारी म्हणून एस. डी. परदेशी यांनी तर सहायक निवडणूक निर्णय अधिकारी म्हणून सचिव रामनाथ सवंद्रे यांनी काम पाहिले.