ठळक मुद्देपंचवटी पोलीस ठाण्यात चोरीचा गुन्हा दाखल
नाशिक : हॉटेलमधील परप्रांतीय नोकराने कॅश काउंटर तोडून सुमारे पाच लाख रुपयांची रोकड चोरून नेल्याची घटना शुक्रवारी (दि़६) दुपारच्या सुमारास दिंडोरीनाक्यावरील न्यू उत्तम हिरा पॅलेस येथे घडली आहे.
पोलिसांनी दिलेल्या माहितीनुसार बुधवार पेठेतील पाटील गल्लीतील रहिवासी कैलास चव्हाण यांचे दिंडोरी नाक्यावर न्यू उत्तम हिरा पॅलेस हॉटेल आहे़ या हॉटेलमध्ये काही महिन्यांपासून संशयित श्रवणकुमार यादव ऊर्फ अभय मूळ, रा. झंझनगाव, लक्ष्मीपूर, सिवाल महाराजगंज, उत्तर प्रदेश) यास कामास ठेवलेले होते़ शुक्रवारी दुपारच्या सुमारास संशयित श्रवणकुमार याने हॉटेलचे कॅश काउंटर तोडून त्यातील ४ लाख ७७ हजार रुपयांची रोकड चोरून नेली़
या प्रकरणी चव्हाण यांच्या फिर्यादीवरून पंचवटी पोलीस ठाण्यात चोरीचा गुन्हा दाखल करण्यात आला आहे.