अल्पवयीन मुलीचा विनयभंग करून अ‍ॅसिडची धमकी

नाशिक : एकतर्फी प्रेमातून शाळेची बस अडवून बसचालकास दमदाटी करीत अल्पवयीन मुलीचा विनयभंग करून तोंडावर अ‍ॅसिड फेकण्याची धमकी दिल्याची घटना गुरुवारी (दि़१४) सकाळच्या सुमारास दिंडोरीरोडवरील वडनगर परिसरात घडली़ याप्रकरणी म्हसरूळ पोलिसांनी संशयितास संजय शेरसिंग करणसिंग ऐर (रा.बोरगड,म्हसरूळ) यास अटक केली आहे़म्हसरूळ पोलिसांनी दिलेल्या माहितीनुसार बोरगड परिसरातील एका अल्पवयीन शाळकरी मुलीस ...

ठळक मुद्देएकतर्फी प्रेम ; शाळेची बस अडवून बसचालकास दमदाटी तीन महिन्यांपासून वेगवेगळ्या मोबाइल नंबरवरून संदेश

नाशिक : एकतर्फी प्रेमातून शाळेची बस अडवून बसचालकास दमदाटी करीत अल्पवयीन मुलीचा विनयभंग करून तोंडावर अ‍ॅसिड फेकण्याची धमकी दिल्याची घटना गुरुवारी (दि़१४) सकाळच्या सुमारास दिंडोरीरोडवरील वडनगर परिसरात घडली़ याप्रकरणी म्हसरूळ पोलिसांनी संशयितास संजय शेरसिंग करणसिंग ऐर (रा.बोरगड,म्हसरूळ) यास अटक केली आहे़म्हसरूळ पोलिसांनी दिलेल्या माहितीनुसार बोरगड परिसरातील एका अल्पवयीन शाळकरी मुलीस गत तीन महिन्यांपासून वेगवेगळ्या मोबाइल नंबरवरून संदेश पाठवून तिच्याशी जवळीक साधण्याचा प्रयत्न करीत होता़ गुरुवारी (दि़१४) सकाळी साडेसहा वाजेच्या सुमारास दिंडोरीरोडवरील वडनगरजवळ संशयिताने शाळेची बस अडविली़ यानंतर बसचालकास शिवीगाळ करून बसमध्ये चढून मुलीच्या अंगावर बाटलीतील पाणी फेकून तिचा विनयभंग केला़ तसेच प्रेमास होकार दे अन्यथा तोंडावर अ‍ॅसिड फेकण्याची धमकीही संशयित संजय शेरसिंग याने दिली़या मुलीने घरी गेल्यानंतर आपल्या कुटुंबीयांना ही घटना सांगितल्यानंतर त्यांनी म्हसरूळ पोलीस ठाण्यात धाव घेऊन संशयिताविरोधात तक्रार दिली़ याप्रकरणी म्हसरूळ पोलिसांनी विनयभंग तसेच लहान मुलांचे लैंगिक अपराधापासून संरक्षण अधिनियम (पोस्को) कायद्यान्वये गुन्हा दाखल केला आहे़