नाशिकच्या अथर्व नाठे याची महाराष्ट्र व्हॉलीबॉल संघात निवड

नांदूरवैद्य : इगतपुरी तालुक्यातील गोंदे दुमाला येथील रहिवासी व सध्या नाशिक येथील सेंट लॉरेन्स शाळेत इयत्ता आठवीच्या वर्गात शिकत असलेला अथर्व देविदास नाठे याची १४ वर्ष वयोगटातील महाराष्ट्र व्हॉलीबॉल संघात निवड झाली आहे. नुकत्याच पार पडलेल्या पुणे जिल्ह्यातील सासवड येथे ६५ व्या १४ वर्षाखालील वयोगटातील राज्यस्तरीय व्हॉलीबॉल स्पर्धेच्या अनुषंगाने राज्यातून आलेल्या स्पर्धकांमधून निवड चाचणी घेण्यात आली. या निवड चाचणीमध्ये प्रा. निलेश जगताप, कुईके नाजूक , भोजराज चौधरी यांच्या निवड समितीतील सदस्यांनी निवड प्रक्रि या राबवून एकूण १६ जणांची टीम तयार केली. त्यामध्ये १२ खेळाडू मध्ये खेळातील व चार राखीव म्हणून निवड करण्यात आली. त्यामध्ये नाशिक विभागातून कु. अथर्व देविदास नाठे हा अनुक्र मे १ ते १२ मध्ये चौथ्या क्र मांकाला निवड झाली आहे. इगतपुरी तालुका सहकारी संस्थेच्या सचिव संघटनेचे नेते मुळचे गोंदे दूमाला येथील रहिवासी देविदास नाठे यांचा तो मूलगा आहे.