ओझर : महाराष्ट्र बॉडी बिल्डिंग असोसिएशन व उत्तर महाराष्ट्र शरीरसौष्ठव संघटनेच्या मान्यतेने नाशिक बॉडी बिल्डिंग असोसिएशन अॅण्ड फिटनेस असोसिएशनच्या सहकार्याने ओझर फिटनेस झोन यांच्या संयुक्त विद्यमाने उत्तर महाराष्ट्र शरीरसौष्ठव स्पर्धेचा किताब नाशिकच्या हबीब सय्यद याने पटकावला. हबीब सय्यद यास रोख ३१ हजार व चषक मान्यवरांच्या हस्ते प्रदान करण्यात आला. ग्रामपंचायत सदस्य हेमंत जाधव राजशेखर जाधव यांच्या पुढाकाराने आयोजित केलेल्या स्पर्धेचे उद्घाटन माजी आमदार दिलीप बनकर यांच्या हस्ते करण्यात आले. कार्यक्रमाच्या अध्यक्षस्थानी नाशिक शहर कॉँग्रेसचे शहराध्यक्ष शरद अहेर होते. याप्रसंगी प्रमुख अतिथी म्हणून आमदार अनिल कदम, अनिरु द्ध धर्माधिकारी, जिल्हा परिषद सदस्य यतिन कदम, माजी सरपंच राजेंद्र शिंदे, दीपक शिरसाठ, ओझर मर्चंट बॅँकेचे चेअरमन भालचंद्र कासार, संजय कुटे, प्रकाश बोराडे, प्रदीप अहिरे, प्रकाश महाले आदी उपस्थित होते. या स्पर्धेत ५५ किलो पासून ८० किलो वजनापर्यंतच्या गटातील शरीरसौष्ठवपटूंनी सहभाग घेतला होता. परीक्षक म्हणून राजेंद्र सातपूरकर, जयंत गिते, प्रकाश दाभाडे, कमलाकर आघाडे, किशोर सरोदे, भाऊदास सोनवणे, हेमंत साळवे आसिफ खान, प्रवीण बंदावणे यांनी काम बघितले. सूत्रसंचालन गणेश यांनी तर आभार शेखर जाधव यांनी मानले.
नाशिकचा हबीब सय्यद शरीरसौष्ठव स्पर्धेचा ओझर श्री २०१८
By लोकमत न्यूज नेटवर्क | Published: February 28, 2018 12:25 AM