नऊ उमेदवारांची माघार; 225 रिंगणात

सिडको प्रभाग : आज अर्ज माघारीचा शेवटचा दिवस

सिडकोे : नाशिक मनपा निवडणूक प्रक्रियेतील अर्ज माघारीच्या पहिल्या दिवशी सिडको विभागातून २३४ उमेदवारांपैकी नऊ उमेदवारांनी माघार घेतली. मंगळवारी (दि. ७) रोजी अर्ज माघारीचा अखेरचा दिवस असून, दुपारी ३ वाजेपर्यंत मोठ्या प्रमाणात माघार होण्याची शक्यता आहे. सोमवारी माघार घेतलेल्या उमेदवारांमध्ये प्रभाग क्र . २५ ड मधून दिनेश तेली, २६ ड मधून गोरख घाटोळ, प्रभाग २७ अ मधून सुंदर खरात, २८ अ मधून राजेंद्र फड, २८ ड मधून बाजीराव पाटील व नंदलाल शिंदे यांनी, तर २९ अ मधून अरु ण वेताळ, ३१ क व ड मधून अनुक्र मे माधुरी संजय नवले व ज्ञानेश्वर महाजन या उमेदवारांनी माघारीसाठी निवडणूक निर्णय अधिकारी रवींद्र जाधव व नीलकंठ करे यांच्याकडे अर्ज दाखल केले.  अजूनही सिडकोच्या सहा प्रभागांतील २४ जागांसाठी तब्बल २२५ उमेदवार निवडणुकीच्या रिंगणात नशीब आजमावण्याच्या प्रयत्नात असून, अखेरच्या दिवशी दुपारी ३ वाजेनंतर कोण कोणते उमेदवार रिंगणात उभे राहून आव्हान निर्माण करतात याकडे सिडकोकरांचे लक्ष लागून राहिले आहे.