सिबतेन खान, मुजीब खान, जुनेद खान व अन्य साथीदार अशी संशयितांची नावे आहेत. याप्रकरणी परवेश मुक्तार काकर (१८ रा. रॉबिन बिस्कीट जवळ, बागवानपुरा) या युवकाने तक्रार दाखल केली आहे. काकर व त्याचा मित्र बुधवारी (दि. ३) सायंकाळच्या सुमारास फाळके रोडने आपल्या घराकडे पायी जात असताना ही घटना घडली. रस्त्यात भेटलेल्या वरील टोळक्याने कुठलेही कारण नसताना दोघा मित्रांना शिवीगाळ केली. यावेळी उपस्थितांनी वाद मिटविल्याने या घटनेवर पडदा पडला होता. मात्र दोघे मित्र पुढे जात असताना संशयितांनी जहागीर कब्रस्तान येथे पुन्हा गाठून दोघा मित्रांना लाथाबुक्क्यांनी मारहाण केली. या घटनेत एकास दगड मारून फेकल्याने तो जखमी झाला.
कारचालकास मारहाण
नाशिक : वाहनाला कट मारल्याच्या कारणातून कुरापत काढत टोळक्याने कारचालकास बेदम मारहाण केल्याची घटना जहागीर कब्रस्तान भागात घडली. या घटनेत चालक जखमी झाला असून याप्रकरणी भद्रकाली पोलीस ठाण्यात मारहाणीचा गुन्हा दाखल करण्यात आला आहे.
अरबाज शेख, हरजोतसिंह ओबराई व त्यांचे दोन साथीदार अशी कारचालकास मारहाण करणाऱ्या संशयितांची नावे आहेत. याप्रकरणी वृंद विपूल पटेल (२० रा. दिंडोरी नाका) या युवकाने तक्रार दाखल केली आहे. पटेल बुधवारी (दि. ३) फाळके रोडने आपल्या कारमधून प्रवास करीत असताना ही घटना घडली. कब्रस्तान परिसरात संशयितांनी कार अडवून कट मारण्याच्या कारणातून वाद घातला. यावेळी संशयितांनी शिवीगाळ व जीवे मारण्याची धमकी देत पटेल यास लाथाबुक्क्यांनी मारहाण केली. या घटनेत संशयितांपैकी एकाने लाकडी दांडक्याने डोक्यात प्रहार केल्याने तो जखमी झाला.