जिल्ह्यातील नामवंत पहिलवानांची हजेरी

मोहाडी : कुस्ती स्पर्धेत हर्षल सदगीर विजेता

 दिंडोरी : मोहाडी येथे मोहडमल्ल यात्रोत्सवानिमित्त झालेल्या कुस्ती स्पर्धेत हर्षल सदगीर विजेता ठरला. त्याला मान्यवरांच्या हस्ते चंदेरी गदेसह रोख एकतीसशे रुपये देऊन गौरविण्यात आले.स्पर्धेचे उद्घाटन जिल्हा परिषदेचे गटनेते प्रवीण जाधव, कादवा संचालक शहाजी सोमवंशी, सरपंच सुरेश गावित, रवींद्र जाधव, भीमराव देशमुख, विलास देशमुख, विलास पाटील, डॉ.चंद्रकांत पाटील, दत्तात्रय घुमरे, अशोक संधान यांच्या उपस्थितीत झाले. स्पर्धेत लहान व मोठ्या गटात अनेक लढती झाल्या. त्यात गावातील स्पर्धकांसह महाराष्ट्रातील अनेक नामवंत पहिलवानांनी भाग घेतला.पारितोषिक वितरण मान्यवरांच्या उपस्थितीत स्पर्धा आयोजनासाठी व यशस्वीतेसाठी कष्ट घेणारे पंचकमिटी अध्यक्ष गणपत जाधव, दत्तात्रय मौले, लक्ष्मण पाटील, शांताराम निकम, लक्ष्मण कळमकर यांच्या हस्ते करण्यात आले. स्पर्धेसाठी पंच म्हणून श्रीराम जाधव, पुंडलिक कळमकर, विठ्ठल जाधव, माणिकराव जाधव, सर्जेराव देशमुख, बाळासाहेब जाधव, सुरेश जाधव, उत्तम मौले, मधुकर मौले तर शरद मोगरे, नवनाथ पाटील, निखिल जाधव, सुनील जाधव, गणेश जाधव यांनी काम पाहिले.दिंडोरीचे वरिष्ठ पोलीस निरीक्षक मधुकर गावित यांच्या मार्गदर्शनाखाली सहाय्यक पोलीस उपनिरीक्षक के.के. वाघेरे, वाघ, जाधव यांनी बंदोबस्त ठेवला होता.(वार्ताहर)