पापी पेट का सवाल

पापी पेट का सवाल : दीड महिना उलटूनही पावसाने चांदवड तालुक्यात अद्याप समाधानकारक हजेरी न लावल्याने पाणीटंचाईची झळ नागरिकांसह पशुपक्ष्यांनाही बसू लागली आहे. पेरण्या लांबल्याने पशुपक्षी अन्न-पाण्यावाचून कासावीस झाले आहेत. एरवी सहजासहजी माणसाच्या जवळ न येणारा व पिंडदानाच्या वेळी मानवजातीला चातकाप्रमाणे प्रतीक्षा करायला लावणारा कावळा चक्क महिलेच्या हातातून पोळी घेण्यासाठी ओट्यापर्यंत यावा याचा अर्थ परिस्थिती किती भीषण झाली आहे हेच या छायाचित्रातून अधोरेखित होते.