शहरं
Join us  
Trending Stories
1
‘धर्मयुद्ध’, ‘व्होट जिहाद’वर स्वामी गोविंददेव गिरी स्पष्टच बोलले; म्हणाले, “हिंदू समाजाने...”
2
राज ठाकरेंशी चांगले संबंध होते, अचानक मिठाचा खडा पडून काय बिनसले? CM शिंदेंनी सगळेच सांगितले
3
“महाराष्ट्रद्रोही जिंकणार की महाराष्ट्रप्रेमी जनता हे ठरवणारी निवडणूक आहे”: उद्धव ठाकरे
4
मणिपूरमध्ये सत्ताधारी भाजपला धक्का; NPP ने पाठिंबा काढून घेतला, सरकार कोसळणार?
5
प्रियंका गांधींचे पंतप्रधान मोदींना खुले आव्हान; म्हणाल्या, “एकदा जाहीर करून दाखवा की...”
6
रेवंथ रेड्डींचे अजब आवाहन; म्हणाले, “त्यांच्याकडून भरपूर पैसे घ्या, पण मत काँग्रेसला द्या”
7
माझ्या वडिलांचा फोटो लावणं सोडा, हिंमत असेल तर...; उद्धव ठाकरेंचा पुन्हा घणाघात
8
ठाकरे सेनेच्या मुस्लिम उमेदवाराची मंदिरात पूजा, शिवलिंगाचा अभिषेक अन् आरती केली...
9
नागपूरमध्ये प्रियंका गांधींचा रोड शो; भाजप कार्यकर्त्यांनी दाखवले कमळ, परिसरात प्रचंड तणाव
10
विदर्भात ५४ टक्के जागांवर कुणबी, मराठा उमेदवार; भाजपानं काँग्रेसची केली कोंडी
11
Maharashtra Vidhan Sabha Election 2024 : उद्धव ठाकरे यांच्यासोबत पुन्हा जाणार का?; एकनाथ शिंदेंनी एका वाक्यात सांगितलं
12
सुपर-डुबर HOT!! भारतीय क्रिकेटपटूच्या बहिणीचा बोल्डनेस, घायाळ करणारा लूक Viral (Photos)
13
माहिमच्या सर्व समाजासह मला मुस्लिमांचाही पाठिंबा; महेश सावंतांना विजयाचा विश्वास 
14
दुगलाईच्या जंगलात पोलिस आणि नक्षलवाद्यांमध्ये चकमक, एक जवान जखमी
15
'मी मुख्यमंत्रीपदाच्या शर्यतीत नाही, पण...', सीएम एकनाथ शिंदेंचं मोठं वक्तव्य
16
पाकिस्तानी लष्कराच्या चेक पोस्टवर दहशतवादी हल्ला, सात सुरक्षा जवान शहीद; १८ जखमी
17
“माझा नाद करायचा नाही, जोरात पाडायचे, संपूर्ण महाराष्ट्रात संदेश गेला पाहिजे”: शरद पवार
18
सतत निष्ठा बदलणारा हा व्यक्ती...; अजित पवारांनी अमोल कोल्हेंचा इतिहासच काढला
19
PM मोदींचे आव्हान राहुल गांधींनी स्वीकारले; बाळासाहेब ठाकरेंबाबत बोलले, पोस्ट करत म्हणाले...
20
हृदयद्रावक! साता जन्माची साथ अवघ्या ७ महिन्यांत सुटली; आक्रित घडलं अन् सारचं संपलं

जिल्ह्यात सलग दुसऱ्या दिवशीही पावसाची हजेरी

By admin | Published: September 09, 2015 11:19 PM

जनजीवन विस्कळीत : शेतकऱ्यांना दिलासा, खरीप पिकाला जीवदान

नाशिक : जिल्ह्यात पावसाचे आगमन झाले असून, दोन दिवसांपासून अनेक गावात परतीच्या पावसाने हजेरी लावली. सुमारे दीड महिन्याच्या प्रतीक्षेनंतर कॅम्पसह मालेगाव तालुक्यातील काही गावांमध्ये पावसाने हजेरी लावली. बुधवारी शहरात तुरळक पाऊस पडला असला तरी तालुक्यातील दाभाडी, चंदनपुरी, येसगाव, मथुरपाडे परिसरात जोरदार पाऊस पडल्याने समाधानाचे वातावरण निर्माण झाले आहे. मंगळवारी परिसरातील विविध पर्जन्यमापकात मालेगावी २८ मीमी, करंजगव्हाणला ३, झोडग्याला १३, दाभाडीत ४, सायने २, कळवाडी ४ तर निमगावी ७ मि.मि. पावसाची नोंद झाली आहे. बुधवारी सकाळपासून आकाशात पावसाचे ढग गोळा झाल्याने दिवसभरात क्वचितच सूर्याचे दर्शन झाले. दुष्काळाच्या पार्श्वभूमीवर ग्दोन दिवसापासून पाऊस पडत असल्याने चिंतेचे वातावरण कमी होण्यास मदत झाली आहे. आगामी काळात असाच पाऊस पडल्यास पाण्याचा प्रश्न सुटण्यास मदत होईल. अभोण्यात पाऊस : शेतकऱ्यांसह सर्वांच्याच तोंडचे पाणी पळविणाऱ्या पावसाने बुधवारी परिसरात हजेरी लावली. काही दिवसांपासून पावसाचे वातावरण तयार होत होते, परंतु पावसाने हजेरी लावली नाही. बुधवारी सकाळपासूनच वातावरणात उष्णता होती. मोठ्या विश्रातीनंतर पावसाचे आगमन झाल्याने समाधान व्यक्त केले जात आहे.

त्र्यंबकेश्वर : शहरात सायंकाळच्या सुमारास पावसाने हजेरी लावली. पावसाचे वातावरण तयार झाले, मात्र जोरदार पाऊस झालाच नाही. मागील वर्षी ९ सप्टेंबरपर्यंत १७७८ मिमी पाऊस झाला होता. यावर्षी ९ सप्टेंबरपर्यंत केवळ ८४३ मिमी पाऊस पडला आहे. घोटी : अनेक महिनांपासून पावसाच्या माहेरघरातूनही बेपत्ता झालेल्या पावसाने बुधवारी जोरदार पुनरागमन केले. दुपारच्या सुमारास तालुक्यातील पूर्व भागासह महामार्गालगतच्या गावांना पावसाने झोडपून काढले. दरम्यान, या पावसामुळे तालुक्यातील खरीप पिकांना संजीवनी मिळाली असल्याने शेतकरी वर्ग सुखावला आहे.पावसाचे माहेरघर अशी ओळख असणाऱ्या इगतपुरी तालुक्यातही पावसाने महिनाभरापासून पाठ फिरविली होती. पावसाळ्याचा ऋतु असतानाही महिनाभरापासून रखरखित उष्मा जाणवत होता. उन्हाळ्याची अनुभूती येत होती. याचा परिणाम भात, नागली, वरई आदि पिकांवर झाला होता. ही पिके पाण्याअभावी संकटात आली होती. दरम्यान, तालुक्यातील धरणसाठ्यात वाढ होऊनही पाण्याचा विसर्ग होत राहिल्याने धरणानी तळ गाठला होता.पावसाने दगा दिल्यामुळे खरीप पिके संकटात आलेली असताना बुधवारी दुपारपासून मेघगर्जनेसह तालुक्यातील अनेक भागात पाऊस झाल्याने तालुक्यातील पिकांना जीवदान मिळाले आहे. शेतकरी सुखावला आहे. दरम्यान, बुधवारी झालेल्या पावसाने घोटी व इगतपुरी शहरातील सखल भागात पाणी साचले, तर जनजीवनही विस्कळीत झाले. (लोकमत चमू)पावसासाठी सिन्नरला रुद्राभिषेक व होमहवन

सिन्नर : येथील गणेश पेठेतील सिद्धेश्वर मंदिरात आर्य-चाणक्य युवा फाउण्डेशनच्या वतीने पावसासाठी रुद्राभिषेक व होमहवन करण्यात आले. संपूर्ण भारतात वरुणराजाने भरपूर बरसावे, असे साकडे यावेळी घालण्यात आले. पावसाच्या पाण्यावरच मोठ्या प्रमाणात शेती अवलंबून असून, त्याच्या भरवशावरच अनेक पिके घेतली जातात. मात्र, यंदा पावसानेच पाठ फिरवल्याने शेतकऱ्यांना नैराश्य आल्याचे चित्र आहे. वेळेवर आणि भरपूर पर्जन्यवृष्टी व्हावी, यासाठी वरुणराजाला साकडे घालून यज्ञ करण्याचे वेदशास्त्रात सुचवण्यात आले आहे. त्यानुसार आर्य-चाणक्य युवा फाउण्डेशनच्या सोनल लहामगे, उमेश काकड, सौरभ ठाणेकर, विशाल चव्हाण, महेश निकम, विकी शेळके, संतोष शिंदे, तुषार गाडेकर यांनी पुरोहित दुर्गेश मालपाठक यांच्या मार्गदर्शनाखाली पावसासाठी रुद्राभिषेक व होमहवन केले. त्यानंतर सायंकाळी झालेल्या मुसळधार पावसामुळे आर्य-चाणक्य युवा फाउण्डेशनच्या कार्यकर्त्यांनी समाधान व्यक्त केले आहे. निसर्गाचा समतोल बिघडत असल्याने पावसाचे प्रमाण घटले आहे. या समस्येवर मात करण्यासाठी प्रत्येकाने किमान एकतरी झाड लावावे व त्याचे संगोपन करावे असे आवाहन फाउण्डेशनच्या वतीने करण्यात आले.