कळवण : नववसाहतीतील अंतर्गत रस्त्यांची सुधारणा कळवण : कळवण नगरपंचायत हद्दीतील गणेशनगर, शिवाजीनगर व संभाजीनगर या नववसाहतीतील अंतर्गत रस्त्यांची सुधारणा करण्यात आल्याने रस्त्याचे रूप बदलले आहे. शहरांतर्गत या रस्त्यांचे उद्घाटन करण्यात येऊन आज लोकार्पण करण्यात आले.यावेळी प्रमुख अतिथी म्हणून राष्ट्रवादी कॉँग्रेसचे तालुकाध्यक्ष राजेंद्र भामरे, शिवसेना शहरप्रमुख साहेबराव पगार, राष्ट्रवादी कॉँग्रेसचे शहराध्यक्ष जितेंद्र पगार, कळवण नगरपंचायतीचे मुख्याधिकारी डॉ. सचिनकुमार पटेल, बांधकाम सभापती जयेश पगार, आरोग्य सभापती अतुल पगार, महिला बालकल्याण सभापती रोहिणी महाले, कळवण बाजार समितीचे संचालक हरिभाऊ पगार, सुनील महाजन, अंबिका पतसंस्थेचे सल्लागार संचालक राज देवरे आदि मान्यवर होते. यावेळी गणेशनगरमधील हिरो-होंडा शोरूम पाठीमागील कै. केदा बारकू पाटील कॉलनी, शिवाजीनगरमधील रिद्धी सिद्धी कॉलनी, सरस्वती कॉलनीअंतर्गत रस्त्याचे भूमिपूजन व डॉ. चित्ते दवाखाना ते श्री स्वामी समर्थ मंदिर परिसर, संभाजीनगर भागातील गावठाण ते पाळे पांधीअंतर्गत रस्त्याचे उद्घाटन करण्यात येऊन या नवीन रस्त्याचे लोकार्पण करण्यात आले. नगरपंचायत हद्दीतील सर्व रस्त्यांची सुधारणा करण्याचा मानस असून, दुरुस्ती आदिंसह मूलभूत सुविधांचा प्रश्न मार्गी लावला जाणार असल्याची माहिती कौतिक पगार यांनी यावेळी दिली.यावेळी नगरसेवक अनुराधा पगार, भाग्यश्री पगार, रंजना पगार, रंजना जगताप, नगरसेवक बाळासाहेब जाधव, दिलीप मोरे, डॉ. देवीदास चित्ते, वसंत विसपुते, गोकुळ आहेर, सुनील महाले, गौरव पगार, सागर जगताप, भाऊसाहेब पवार, साहेबराव चव्हाण आदि उपस्थित होते.
रस्त्यांचे रूप बदलले
By admin | Published: January 05, 2017 11:09 PM