शहरात सर्रासपणे ‘रोलेट’ सुरू

शहरात सर्रासपणे ‘रोलेट’ सुरू

लोकमत न्यूज नेटवर्कपंचवटी : नाशिक शहरात काही दिवसांपूर्वी पोलिसांनी छापे मारून रोलेटचे अड्डे उद््ध्वस्त केले असले तरी आता रोलेट गेम चालविणाऱ्या अवैद्य धंदेचालकांनी थेट मोेबाइलवरच रोलेट आयडी सुरू केले आहेत. विशेष म्हणजे आता थेट मोबाइलवर आॅनलाइन रोलेट खेळविला जात असला तरी याकडे पोलीस प्रशासनाचे लक्ष वेधले जात नसल्याने आश्चर्य व्यक्त केले जात आहे. सध्या नाशिक शहरातील पंचवटी, सिडको, सातपूर, नाशिकरोड, अंबड, म्हसरूळ, भद्रकाली, सरकारवाडा परिसरातील सर्वच भागातील रोलेट व्यवसाय करणारे अवैध व्यावसायिक मोबाइलवरूनच रोलेट आयडी मिळवून रोलेट गेम खेळणाऱ्यांना पॉर्इंट पुरविण्याची व्यवस्था करीत आहेत. मोबाइलवरूनच रोलेट गेमचा आयडी तसेच पॉर्इंट देण्याचे काम केले जात असल्याने पडद्याच्या आडून हा अवैध व्यवसाय सुरू आहे.