एकाच दिवशी दोन सोनसाखळी चोरी

औरंगाबादरोडवरील एका लॉन्सजवळ हेल्मेट व नाका तोंडाला रुमाल बांधून आलेल्या दुचाकीवरील दोघा संशयितांनी दोन महिलांच्या सोनसाखळ्या खेचून नेल्याची घटना सोमवारी (दि.१२) दुपारच्या सुमारास घडली़ आडगाव पोलीस ठाणे हद्दीतील औरंगाबादरोडवरील लॉन्स परिसरात होत असलेल्या सोनसाखळी चोरीच्या घटनांमुळे महिलांमध्ये घबराट पसरली आहे़

पंचवटी : औरंगाबादरोडवरील एका लॉन्सजवळ हेल्मेट व नाका तोंडाला रुमाल बांधून आलेल्या दुचाकीवरील दोघा संशयितांनी दोन महिलांच्या सोनसाखळ्या खेचून नेल्याची घटना सोमवारी (दि.१२) दुपारच्या सुमारास घडली़ आडगाव पोलीस ठाणे हद्दीतील औरंगाबादरोडवरील लॉन्स परिसरात होत असलेल्या सोनसाखळी चोरीच्या घटनांमुळे महिलांमध्ये घबराट पसरली आहे़  पोलिसांनी दिलेल्या माहितीनुसार सिडकोतील पूर्वेश अपार्टमेंटमधील रहिवासी वर्षा अरूण भदाणे (४१) या दुपारी सव्वाबारा वाजेच्या सुमारास औरंगाबाद रोडवरील एका लॉन्समध्ये नातेवाइकाच्या विवाह सोहळ्यास गेल्या होत्या़ कारमधून उरतल्यानंतर त्यांचे नातेवाईक वाहनतळावर कार पार्किंगसाठी गेल्यान त्यांची वाट पाहत त्या उभ्या होत्या़ यावेळी नाका-तोंडाला रुमाल बांधलेल्या संशयितांनी भदाणे यांच्या गळ्यातील साडेसहा तोळे वजनाची सोनसाखळी खेचून दुचाकीवरुन पलायन केले़  या घटनेनंतर सायंकाळच्या सुमारास औरंगाबाद रोडवरून जाणाºया एका महिलेच्या गळ्यातील दीड तोळे वजनाची सोनसाखळी दुचाकीवरील संशयितांनी खेचून नेल्याची घटना घडली़ रात्री उशिरापर्यंत आडगाव पोलीस ठाण्यात गुन्हा दाखल करण्याचे काम सुरू होते़