संदीप झिरवाळ
नाशिक : शहरातील पेठरोड परिसरात असलेल्या हनुमानवाडी पाटालगत महापालिका अतिक्रमण निर्मूलन विभाग कर्मचारी अनधिकृत झोपड्यांचे अतिक्रमण काढत असताना झोपडपट्टीतील नागरिकांनी अतिक्रमण विभागाच्या पथकावर दगडफेक करत मनपा जेसीबीच्या काचा फोडण्याची घटना आज घडली आहे.
महापालिकेच्या अतिक्रमण विभागा मार्फत आज पोलीस बंदोबस्तात झोपड्या हटविण्याचे काम सुरू होते त्याच दरम्यान झोपडपट्टीत राहणाऱ्या काही महिलांनी महिला पोलीस कर्मचारी तसेच मनपा पथकाशी वाद घालत एका युवकाने थेट जेसीबीच्या समोर येत जेसीबी वर दगडफेक करत काचा फोडल्या यामुळे काही काळ गोंधळ उडाला होता या घटनेनंतर पोलिसांनी दगडफेक करणाऱ्या युवकाला तसेच गोंधळ घालणाऱ्या काही महिलांना ताब्यात घेतले.