नांदगावी जलवाहिनी फुटून हजारो लिटर पाणी वाया

नांदगाव : शहर पाणीपुरवठा योजनेची शांतिबाग भागाला पाणीपुरवठा करणारी मुख्य जलवाहिनी मंगळवारी सकाळी फुटल्याने हजारो लिटर पाणी रस्त्यावर व आजूबाजूला पसरून तळे साचले.  मुख्य जलवाहिनीपासून निघणारा पाईपच तुटल्याने सदर प्रकारघडला. शासकीय विश्रामगृहाला या वाहिनीमधून जोडणी देण्यात आली आहे. दहेगाव धरणातले पाणी यावेळी संबंधित भागाला देणे सुरू होते.