गुरुवारी (दि.१८) रात्री १ वाजेच्या सुमारास मुंबईकडून भरधाव जाणाऱ्या आयशर टेम्पोने (क्र. एमएच ०४ डीके ७१३५) वाडीवऱ्हे फाट्यावर नाशिककडून वाडीवऱ्हेकडे येण्यासाठी रस्ता ओलांडत असलेल्या दुचाकीला (क्र. एमएच १५ एडब्ल्यू ३६७६) जोरदार धडक दिली. या अपघातात दुचाकीवरील तिघेजण गंभीर जखमी झाले. अपघाताची माहिती मिळताच जगद्गुरु नरेंद्र महाराज संस्थानच्या रुग्णवाहिकेने अपघातग्रस्त जखमींना जिल्हा रुग्णालयात हलविले. अपघातात दुचाकीचा चक्काचूर झाला असून, त्यात राहुल संतू पुंजारा (१८), अविनाश त्र्यंबक बोराडे (२२), उमाकांत लालू सांगळे(३०, सर्व, रा. वैतरणा धारगाव, ता. इगतपुरी) हे तिघे जण जखमी झाले आहेत. याबाबत वाडीवऱ्हे पोलीस ठाण्यात अपघाताचा गुन्हा दाखल करण्यात आला असून पुढील तपास पोलीस निरिक्षक विश्वजित जाधव करीत आहेत.
वाडीवऱ्हे फाट्यावर अपघातात तीन जखमी
By लोकमत न्यूज नेटवर्क | Published: December 18, 2020 8:04 PM