नाशिक : टाकळीफाटा येथील कुतुबी मशिदीजवळ राहणारे रामपुरावाला बोहरी कुटुंब आपल्या दोन मुलांच्या साखरपुड्यासाठी नागपूर येथे आठवडाभरापुर्वी होंडासिटी कारने रवाना झाले होते. साखरपुडा आटोपून परतीचा प्रवास करत असताना मुर्तीजापूरजवळ राज्य महामार्गावर त्यांच्या कारला अपघात झाला. या अपघातात एकूण पाच जण जागीच ठार झाले. मृतांमध्ये नवरदेवासह त्याची आई, मित्र आणि दोन चिमुकल्यांचा समावेश आहे. नवरदेवाचे वडील आणि एक सहप्रवासी महिला गंभीर जखमी झाली आहे.याबाबत अधिक माहिती अशी, द्वारकाजवळील कुतुबी मशिदीसमोरील अपार्टमेंटमध्ये राहणारे गुलामहुसेन रामपुरावाला हे त्यांचा मुलगा हुसेन व हाशिम यांच्या साखरपुड्यासाठी आपली पत्नी फातेमा व हुसेनचा मित्र बुरहानुद्दीन दिलावर यांच्यासह होंडासिटी कारने (एम.एच०४ बी डब्ल्यू ५२५९) गेल्या सोमवारी (दि.१३) शहरातून नागपूरकडे रवाना झाले. दरम्यान, रामपुरावाला यांचा मोठा मुलगा हाशीम हा मस्कदमध्ये नोकरीला असल्याने तो थेट नागपूरला आला होता. दोन्ही मुलांचा साखरपुडा आटोपल्यानंतर सोमवारी (दि.२०) रामपुरावाला हे त्यांच्या कुटुंबासह मुंब्रा येथे राहणाऱ्या ओळखीच्या झाबिया हुसेन हबीब या महिलेला व तीच्या चार महिन्याच्या चिमुकली व चार वर्षाच्या मुलाला घेऊन नाशिककडे येण्यासाठी निघाले. दरम्यान, निम्म्यापेक्षा अधिक प्रवास पुर्ण झाला असताना मुर्तुजापूरजवळ ट्रक आणि कारची समोरासमोर दुपारच्या सुमारास धडक झाली. हा अपघात इतका भीषण होता की कारचा संपूर्ण चक्काचूर झाला आणि विविध भाग सर्वत्र विखुरले गेले. अपघाताची माहिती मिळताच पोलीस व तीन रूग्णवाहिका घटनास्थळी दाखल झाल्या. जखमींना तत्काळ जवळच्या रूग्णालयात उपचारार्थ हलविण्यात आले. या अपघातात गुलामहुसेन व झाबीया हबीब हे दोघे सुदैवाने बचावले असून ते गंभीर जखमी आहेत.
पाच ठार : साखरपुड्याला गेलेल्या बोहरी कुटुंबावर काळाची झडप
By लोकमत न्यूज नेटवर्क | Published: July 21, 2020 9:12 PM
नाशिक : टाकळीफाटा येथील कुतुबी मशिदीजवळ राहणारे रामपुरावाला बोहरी कुटुंब आपल्या दोन मुलांच्या साखरपुड्यासाठी नागपूर येथे आठवडाभरापुर्वी होंडासिटी कारने ...
पाच ठार : साखरपुड्याला गेलेल्या बोहरी कुटुंबावर काळाची झडप
ठळक मुद्देनवरदेवासह त्याची आई, मित्र व दोन चिमुकले मृत्यूमुखीकारचा संपूर्ण चक्काचूर झाला