महामार्गावर वाहतूक कोंडी

नाशिकरोड : नाशिक-पुणे महामार्गावरील चेहेडी ते शिंदेगावपर्यंत वाहतुकीची कोंडी नित्याचीच बाब झाल्याने वाहनधारक, रहिवासी, दुकानदार त्रस्त झाले आहेत.

लोकमत न्यूज नेटवर्कनाशिकरोड : नाशिक-पुणे महामार्गावरील चेहेडी ते शिंदेगावपर्यंत वाहतुकीची कोंडी नित्याचीच बाब झाल्याने वाहनधारक, रहिवासी, दुकानदार प्रचंड त्रस्त झाले आहेत. याकडे लोकप्रतिनिधी, राज्य शासन गांभीर्याने लक्ष देत नसल्याने संताप व्यक्त केला जात आहे.नाशिक - पुणे महामार्ग चौपदरीकरणाचे काम सुरू असून सिन्नर फाट्यापासून चेहेडी पुलापर्यंत महामार्गाच्या दोन्ही बाजूचे अतिक्रमण काढण्यात आले आहे. मात्र महामार्गालगतचे वृक्ष तोडण्यास अद्याप परवानगी न मिळाल्याने या भागातील चौपदरीकरणाचे काम रेंगाळलेले आहे. तर चेहेडी येथील दारणा नदीपुलापासून शिंदेगावापर्यंत चौपरीकरणाचे काम सुरू आहे. एका बाजूचा सर्व्हिसरोड अर्धवट झाल्याने तो अद्याप वापरात नाही.