घाटनदेवीजवळील अपघातात दुचाकीस्वार ठार

घाटनदेवीजवळील अपघातात दुचाकीस्वार ठार

घोटी : मुंबई - आग्रा महामार्गावरील कसाऱ्याहून नाशिककडे जाणाऱ्या काळ्या रंगाच्या बजाज प्लॅटिना एमएच १५ एटी ७२२८ या दुचाकीला घाटनदेवीजवळ अज्ञात चार चाकी वाहनाने मागून धडक दिल्याने दुचाकीचालक राजाराम विनायक मुकणे (वय ३५ रा. वाकी तालुका अकोले जि नगर) हे ठार झाले. त्यांच्या सोबत असलेली त्यांची पत्नी माया मुकणेदेखील जखमी असून, त्यांच्यावर इगतपुरी ग्रामीण रु ग्णालयात उपचार सुरु आहेत.याप्रकरणी इगतपुरी पोलीस ठाण्यात अपघाताचा गुन्हा दाखल करण्यात आला आहे. अज्ञात चार चाकी वाहन लाल रंगाची इनोव्हा कार असल्याचे पोलीस सूत्रांनी सांगितले. या कारचा शोध सुरु असल्याची माहिती पो उपनिरीक्षक सुभाष पाटील यांनी दिली आहे. पो. नि. संजय शुक्ल यांच्या मार्गदर्शनाखली पोलिस कर्मचारी गणेश वराडे, ईश्वर गंगावने, पी. सी. भाबड, मधुकर खुळे करत आहे.(वार्ताहर)