टँकरवर तवेरा आदळून मालेगावचे दोघे ठार

पंचवटीत अपघात : महिलेसह चालक ठार पंचवटी : मुंबई - आग्रा महामार्गावरील कक़ा़ वाघ अभियांत्रिकी महाविद्यालयासमोर भरधाव तवेरा गॅस टँकरवर पाठीमागून आदळल्याने झालेल्या भीषण अपघातात महिलेसह कारचालक ठार झाल्याची घटना सोमवारी (दि़ १४) सकाळच्या सुमारास घडली़

पंचवटी : मुंबई - आग्रा महामार्गावरील कक़ा़ वाघ अभियांत्रिकी महाविद्यालयासमोर भरधाव तवेरा गॅस टँकरवर पाठीमागून आदळल्याने झालेल्या भीषण अपघातात महिलेसह कारचालक ठार झाल्याची घटना सोमवारी (दि़ १४) सकाळच्या सुमारास घडली़ पुष्पा देवकिसन गगराणी (५२, रा़ मामलेदार गल्ली, मालेगाव) व तवेरा कारचालक गोरख लक्ष्मण पवार (३९, रा़ सौंदाणे, मालेगाव) अशी अपघातात ठार झालेल्यांची नावे असून, देवकिसन नठमल गगराणी हे (५९) हे गंभीर जखमी झाले असून, त्यांच्यावर अपोलो रुग्णालयातील अतिदक्षता विभागात उपचार सुरू आहेत़ पोलिसांनी दिलेल्या माहितीनुसार मालेगावच्या मामलेदार गल्लीतील रहिवासी व व्यावसायिक देवकिसन गगराणी यांचा अमेरिकेत स्थायिक झालेला मुलगा वैभव सुटीनिमित्त सहकुटुंब मालेगावला आला होता़ सुटी संपल्याने तसेच सोमवारी पहाटे अमेरिकेला जाण्यासाठी फ्लाईट असल्याने गगराणी दाम्पत्य मुलगा, सून व नातवंडे यांना सोडण्यासाठी रविवारी (दि. १३) रात्री मालेगाव येथून तवेरा कारने (एमएच ४१, एएम ९१९१) मुंबई विमानतळावर गेले होते़ या सर्वांना सोडल्यानंतर ते पुन्हा मालेगावला निघाले होते़ सोमवारी (दि़१४) सकाळी सात वाजेच्या सुमारास क़ का़ वाघ महाविद्यालयाजवळ उड्डाणपुलावरून खाली उतरल्यानंतर गतिरोधकाजवळून ओझरकडे जाणाºया गॅस टँकरवर (केए ०१, एजी २०६६) त्यांची भरधाव तवेरा कार पाठीमागून जाऊन आदळली़ यामध्ये चालक गोरख पवार व पुष्पा गगराणी यांना गंभीर मार लागल्याने त्यांचा जागीच मृत्यू झाला़, तर देवकिसन गगराणी यांचे डोके, हात व पायास मार लागल्याने त्यांना उपचारासाठी अपोलो रुग्णालयात दाखल करण्यात आले असून, त्यांच्यावर उपचार सुरू आहेत़दरम्यान, हा अपघात इतका भीषण होता की, तवेरा कारचा पुढील भाग पूर्णपणे चेपला गेला तर तवेरा कार गॅस टँकरखाली अडकली़ पंचवटी अग्निशमन दल उपविभागीय कार्यालयाच्या कर्मचाºयांनी कटरच्या साहाय्याने कारचा पत्रा कापून जखमी व मृतांना बाहेर काढले. या अपघाताचे वृत्त कळताच आडगाव व पंचवटी पोलीस ठाण्याच्या कर्मचाºयांनी घटनास्थळी धाव घेतली. या अपघाताची पंचवटी पोलीस ठाण्यात नोंद करण्यात आली आहे़विमानतळावरून परतताना काळाचा घाला़़़मालेगाव येथील गगराणी दाम्पत्याचा मुलगा वैभव हा अमेरिकेत स्थायिक आहे़ त्यास सुटी असल्याने काही दिवसांपूर्वी वैभव हा पत्नी भावना व दोन मुले ओम व जय यांच्यासह मालेगावला आला होता़ सुटी संपल्याने तसेच सोमवारी पहाटे मुंबईहून फ्लाईट असल्याने गगराणी दाम्पत्य तवेरा कारने मुंबईला गेले होते़ मुलगा व सून व नातवंडांना विमानतळावर सोडल्यानंतर मालेगावला परतत असताना सकाळी हा अपघात झाला़