विजेच्या धक्क्याने महिलेचा मृत्यू

विजेच्या धक्क्याने महिलेचा मृत्यू

लोकमत न्यूज नेटवर्कसिडको : घरकाम करीत असताना विजेचा धक्का लागून पन्नास वर्षीय महिलेचा मृत्यू झाल्याची घटना गुरुवारी (दि़ २७) दुपारच्या सुमारास सिडकोतील शिवशक्ती चौकात घडली़ जिजाबाई विजय त्रिभुवन (५०) असे मृत्युमुखी पडलेल्या महिलेचे नाव आहे़ पोलिसांनी दिलेल्या माहितीनुसार दुपारी चार वाजेच्या सुमारास घरकाम करीत असलेल्या जिजाबाई यांचा विद्युत प्रवाह उतरलेल्या घरातील लोखंडी कपाटास लागला व त्यांचा शॉक लागून मृत्यू झाला़ त्यांच्या पश्चात पती, मुलगा, मुलगी, असा परिवार असून, या प्रकरणी अंबड पोलीस ठाण्यात अकस्मात मृत्यूची नोंद करण्यात आली आहे़