वार्शी ग्रामस्थांनी केल्या गावठी दारू हातभट्ट्या उध्वस्त

खर्डे : खर्डे पाठोपाठ आता वार्शी व हनुमंतपडा ता .देवळा येथील ग्रामस्थांनी कोरोनाच्या पाशर््वभूमीवर शुक्र वारी दि. १० रोजी रात्रीच्या सुमारास गावठी दारू बनविण्याच्या हटभट्ट्या पोलीस व ग्रामस्थांनी उध्वस्त केल्या. यामुळे सर्रास उघड्यावर दारू विकणाऱ्यांचे धाबे दणाणले आह . सध्या कोरोनासारख्या विषाणूने सर्वत्र थैमान घातले असल्याने ग्रामीण भागातील गावांमध्ये देखील लॉकडाऊनची प्रभावीपणे अंमलबजावणी झालेली असली तरी सध्या बिअरबार आणि वाइन शॉप बंद असल्याने तळीरामांनी आपला मोर्चा गावठी दारूकडे वळविला . यामुळे गावात गावठी दारू पिण्यासाठी गावातील व आजूबाजूच्या तळीरामांची गर्दी दिसून येत असल्यामुळे याचा स्थानिक रहिवाशांना त्रास होऊ लागल्यामुळे सरपंच ,उपसरपंच , तलाठी व सामाजिक कार्यकर्त्यांनी येथील हातभट्ट्या उध्वस्त केल्याने नागरिकांनी समाधान व्यक्त केले आह . या कारवाईत बनविण्यासाठी वापरण्यात येणारे सर्व साहित्य पेटवून दिले. यावेळी पोलीस उपनिरीक्षक संजय मातोंडकर हवालदार सुदर्शन वाघमारे , सरपंच बळीराम वाघ ,उपसरपंच विजय सोनवणे , लक्ष्मण माळी ,पोलीस पाटील सावकार, भास्कर माळी ,योगेश खरे आदिंसह ग्रामस्थ उपस्थित होते .